Qidiruv

1. Asl soʻzining 3-shaxs birlik shakli.

Odamlarning yaxshisi — gʻazabi sekin kelib, asliga tez qaytadiganidir. — Fan va turmush

2. ayn. Asl 1, 2.

Hiloliy Ravshanbekning asli zotini soʻrab bir soʻz dedi. — Goʻroʻgʻlining tugʻilishi

Asli oʻsgan yerim mening Koʻyiston. — Malikayi ayyor

3. Haqiqat eʼtibori bilan; aslida.

Qarovi bizdan boʻlgani bilan mol asli Jovlivoyniki. — N. Norqobilov, Toʻqnashuv

Gapning qisqasi, taomilimizda asli bor boʻlib, soʻnggi davrlarda isteʼmoldan chiqib ketgan. — Gazetadan

4. Odatga koʻra, tabiatan; aslida.

Dadam asli xatni onda-sonda yozadi. — S. Siyoyev, Yorugʻlik

5. mod. s. vzf. Fikrning toʻgʻriligini (soʻzlovchining shunday munosabatini) bildiradi; aslida.

Asli, libos emas, ulugʻdir odam — Voqif

Asli, odam nasli devdan ulugʻdir — Malikayi ayyor

sft. 1. Kelib chiqishi, kelib chiqish eʼtibori bilan qarashliligi; nasli, tagi.

Men aslimni, choʻpon, senga aytayin, Koʻhi Qofda Oysha pari bolasi. — Oysuluv

Madaminning asli kimligini, Tojiboy uni qachondan tanishini surishtirdi. — P. Tursun, Oʻqituvchi

2. Kelib chiqqan (asos) joyi.

Asli toshkentlik.

Men ham dehqon bolasiman. Aslimiz Qudashdan. — A. Qahhor. Qoʻshchinor chiroqlari

3. Yaratilishdagi, bosh, dastlabki.

Asl nusxa.

Bundan ikki yil avval xon saroyining ichki binolari taʼmirlanib, asl holiga qaytarilgan edi. — Gazetadan

4. sft. Chin, chinakam, haqiqiy.

Asl muddao. Asl nom.

Otabek, uyalmay, tortinmay javob beringiz, bu gal Toshkentdan chiqishingizdagi asl maqsadingiz nima edi? — A. Qodiriy, Oʻtgan kunlar

Bilim olishga asl yoʻl endi ochildi. — P. Tursun, Oʻqituvchi

ayn. Asli 3-5.

Aslida bu xursandchilik Ramazon oyi kirib kelishi bilan boshlanadi, desam mubolagʻa boʻlmaydi. — Gazetadan

Marhumlarning xotirasiga oʻtkaziladigan maʼrakalarga azadordan koʻngil soʻrash uchun boriladi, aslida. — Gazetadan

yukl. Taʼkid, kuchaytiruv ifodalaydi.

Aslo mumkin emas.

Hayosizda or boʻlmas, aslo vafodor boʻlmas. — Qoʻshiqlar

Zebixonning otasi qizining noziga qaraydigan kishimi? Yoʻq, aslo yoʻq! — Choʻlpon, Kecha va kunduz

Yurtim, senga sheʼr bitdim bu kun, qiyosingni topmadim aslo. — A. Oripov

kam qoʻll. Kelib chiqish jihatidan, nasl-nasab tomonidan.