ot 1. Oʻsimliklar gulidagi shira (nektar)ning ishchi asalarilar organizmida qayta ishlanishidan hosil boʻladigan shirin, suyuq oziq mahsuloti.
Mehnat qilib topganing — qand-u asal totganing. — Maqol
Kuniga uch mahal bir stakaniga bir osh qoshiqdan asal aralashtirib ichgan maʼqul. — Saodat
2. koʻchma Juda shirin narsa haqida.
Kuz oylari boshlanishida bu yerda hovli atrofidagi yetinqiragan mevalar, soʻridagi husayni uzumlardan asal tomib turadi. — Tuygʻun, Doʻstlik sevinchlari
Ha, oʻzimiznikidan: Qorabuloqning suvini ichadi-yu, asal boʻlib ketmaydimi? — M. Ismoiliy, Fargʻona tong otguncha
3. Asal (xotin-qizlar ismi).