Qidiruv

ot Metr oʻlchovi tizimida yuz kvadrat metrga teng yer oʻlchov birligi, bir gektarning yuzdan bir qismi.

Parda qanotli hasharotlarning yirtqich va chaqadigan bir turi

Sariq ari

Tukli ari

Qizil ari

Qovoq ari

Yomon arida bol boʻlmas, suvsiz yerda tol boʻlmas — Maqol

Ari.. beshiktervatarni chaqib falaj qildi — "Fan va turmush"

fl. Borligi ketmoq, yoʻqolmoq (bor holda davom etayotgan narsalar haqida).

Kasali arimoq.

Masharif aka ancha tuzalib, tanidagi dard arigan boʻlgani bilan dilidagi dard arimagan edi. — Mirmuhsin, Qizil durralar

Ota, yumshoqqina qilib, qadr arigan xonadonni qirgʻoqqa chiqib qolgan baliqqa qiyosladi. — Yoshlik

Keksalar bor xonadonlardan xayr-u barakat arimaydi. — Gazetadan

ot 1. tar. Poytaxtdagi qasr; xon yoki amirning atrofi baland devor bilan oʻralgan qoʻrgʻon-saroyi.

Fitnachilar amir joʻnab ketgan kunning ertasi tunda arkka hujum qildi. — B. Ahmedov, Ulugʻbek

Ar k ichi kimxob va zar chakmon kiygan, kumush kamar bogʻlagan va katta salla oʻraganlar bilan toʻldi. — J. Sharipov, Xorazm

2. s. T. arka.

1. ayn. Ora.

Erdi bu soʻzda Toʻti-yu Bulbul, Ki yetishdi arogʻa Qirgʻovul. — Nishotiy, Qushlar munozarasi

Manga qildi bori fikri xiyonat, Arodin koʻtarib din-u diyonat. — S. Qosimiy, Sadoqatnoma

Xiroj toʻlar edi Shosh fuqarosi, Choʻzildi, uzilmay janglar arosi. — Shayxzoda, Toshkentnoma

2. koʻm. Orasi, orasida.

Oh urib maydon aro Rustam kabi solsam urish. — Nurali

Lashkar arosida oʻgʻlonni koʻrdim. — Nurali

3. kt. Koʻplik shaklidagi otlarga qoʻshilib, shu soʻz bildirgan narsalar “oʻrtasida“, oʻrtasidagi maʼnosini bildiradi.

Respublikalararo, davlatlararo, xoʻjaliklararo.

ot 1. Dard-hasrat shikoyat tarzidagi (asosan ogʻzaki) gap, murojaat.

Chol bu begona yigitning vaziyatida taraddudlanish sezib, qaytadan soʻradi: — Xoʻsh, oʻgʻlim, nima arzing bor? — Oybek, Tanlangan asarlar

Podshoyim, bizlar sizga arzga keldik. — Ravshan

2. esk. kt. Yer shari yoki uning bir qismi.