Поиск

olm. 1. koʻrs. olm. Oʻzidan naridagi, tilga olib oʻtilgan, oʻtgan narsa, hodisalarni koʻrsatadi, unga ishora qiladi.

[Davlatyor] Elmurodni turtib: Men sizga aytgan qizni koʻrsataymi? Hoʻ, anavi, oʻrtadagi. — P. Tursun, Oʻqituvchi

Otabek garangsigan qiyofada. Anavilar [Ziyo shohichi va uning oʻgʻli Rahmat] oʻzlarini birmuncha tetik tutmoqda edilar. — A. Qodiriy, Oʻtgan kunlar

2. Gapirayotgan vaqtda koʻz oldida yoʻq, nazarda tutilayotgan shaxs, narsa va shu kabilarga ishora qiladi.

Buni Otabek payqamagan boʻlsa ham anavi gapning aniq shu majlisda ochilishiga koʻzi yetib, chiqib ketishning ilojini qilolmadi. — A. Qodiriy, Oʻtgan kunlar

Anavi kuni mendan xafa boʻldingiz-a — Oʻ. Hoshimov, Qalbingga quloq sol

olm. s. t. olm. Mana bu, ushbu.

Manavi bola. Manavi kitobni oʻqing.

sft. Anʼanaga aylangan.

Bu yilgi anʼanaviy navoiyxonlik respublika poytaxtida boshlandi. — Gazetadan

ot tar. Odamlarga qalam haqi badaliga ariza yozib beruvchi shaxs.

Mahammadrajab keyingi bir haftani turli arizanavislardan yoʻl-yoʻriq soʻrash bilan oʻtkazdi. — A. Qahhor, Sarob

sft. Noodatiy, odatdan tashqari, anʼanaviy boʻlmagan.

ot 1. Voqelikda yuz bergan, haqiqiy hodisalarni aks ettiruvchi yozuvchi.

Sholoxov — atoqli sanʼatkordir talantli va rostgoʻy voqeanavisdir. — Gazetadan

2. esk. Rasmiy yoʻl bilan qoʻyilgan maxfiy agent; maxfiy kuzatuvchi; aygʻoqchi, josus.

— Ehtiyot boʻlish kerak, — astagina shivirlab nasihat qiladi xalfa va shogirdlarga bobom: — Shu kunlarda polisa gʻiz-gʻiz sangʻib qoldi, voqeanavislar urchib ketdi. — Oybek, Bolalik

Husayn Boyqaro oʻzining voqeanavislari orqali olib turgan maʼlumotlarini soʻzladi. — Oybek, Navoiy