от 1. Илм, назария, фикр ва шу кабиларнинг ҳаётий реаллашуви.
Илм амал билан шарофатлидир. — Ғ. Ғулом
2. Эътиқодга оид иш, ақида иши.
Зотан, инсон хотиржам яшамас экан, унинг кўнглига ибодат ҳам, хайр-у эҳсон ҳам, бошқа яхши амаллар ҳам сиғмайди. — Газетадан
Ал-маъруф деганда бажарилиши лозим бўлган барча исломий амалларни тушунамиз. — Газетадан
3. Умуман, бажарилиши лозим бўлган иш, амалий иш.
Вирусли гепатит касаллиги билан оғримаслик учун қуйидаги амалларга риоя қилиш лозим. — Газетадан
Биз ҳам ўз ҳаракатларимиз, амалимиз билан ёшлар орасига кўпроқ кириб боришимиз керак. — Газетадан
4. Масъул вазифа, мансаб.
Амалга мағрур бўлсанг — тўздирар. — Мақол
Кишининг қадри амали ва унвони билан эмас, ватанга, халқига қилган хизмати билан ўлчанади. — Шуҳрат, Шинелли йиллар
5. Илож-имкон, чора.
Гарчи режа бузилди, лекин бир амалини қиламиз. — Ойбек, Танланган асарлар
6. кўчма Уйғониш, ҳаёт бошланиши (ўсимлик, дарахт кабилар ҳақида).
Амал вақти етганда, ток, анор, анжир кўмилган жойида туриб ҳам кўкараверади. — Р. Раҳмон, Меҳр кўзда
7. мат. Математик ҳисобнинг ҳар бир тури.
Тўрт амал. Арифметика амаллари.
этн.
Унинг гапига кўра, шомонлар ўз амаллари билан турли бало-қазоларни даф этибди. — Газетадан
- Амалга ошмоқ Юзага чиқмоқ, вужудга келмоқ; барпо бўлмоқ; бажарилмоқ. Орзулар амалга ошди. Режа амалга ошди.Бу ишга ҳам бирорта азамат бош қўшса, ажаб эмас, амалга ошса. — Ойдин, Ҳазил эмиш
- Амалга оширмоқ Юзага чиқармоқ, вужудга келтирмоқ; бажармоқ; жорий қилмоқ. Мақсадни амалга оширмоқ. Режани амалга оширмоқ.
- Амал қилмоқ 1. Ҳисобга олиб иш тутмоқ, риоя қилмоқ. Шифосиз касалга ҳар бир дори-дармон заҳардек амал қилар экан. — Ойбек, Танланган асарлар
- Амал тегмоқ Бо-о худо! Аммангга ҳам амал тегиб қолган. Кеча-ю кундуз чурвақалар билан ўралашгани-ўралашган. — Назир, Бир туп ғўза
- Амал олмоқ Кўкармоқ, тутмоқ. Ниҳол жилдираб сув оқиб турган жўякка экилмаса, амал олмайди. — А. Кўчимов, Ҳалқа