ot 1. Ilm, nazariya, fikr va shu kabilarning hayotiy reallashuvi.
Ilm amal bilan sharofatlidir. — Gʻ. Gʻulom
2. Eʼtiqodga oid ish, aqida ishi.
Zotan, inson xotirjam yashamas ekan, uning koʻngliga ibodat ham, xayr-u ehson ham, boshqa yaxshi amallar ham sigʻmaydi. — Gazetadan
Al-maʼruf deganda bajarilishi lozim boʻlgan barcha islomiy amallarni tushunamiz. — Gazetadan
3. Umuman, bajarilishi lozim boʻlgan ish, amaliy ish.
Virusli gepatit kasalligi bilan ogʻrimaslik uchun quyidagi amallarga rioya qilish lozim. — Gazetadan
Biz ham oʻz harakatlarimiz, amalimiz bilan yoshlar orasiga koʻproq kirib borishimiz kerak. — Gazetadan
4. Masʼul vazifa, mansab.
Amalga magʻrur boʻlsang — toʻzdirar. — Maqol
Kishining qadri amali va unvoni bilan emas, vatanga, xalqiga qilgan xizmati bilan oʻlchanadi. — Shuhrat, Shinelli yillar
5. Iloj-imkon, chora.
Garchi reja buzildi, lekin bir amalini qilamiz. — Oybek, Tanlangan asarlar
6. koʻchma Uygʻonish, hayot boshlanishi (oʻsimlik, daraxt kabilar haqida).
Amal vaqti yetganda, tok, anor, anjir koʻmilgan joyida turib ham koʻkaraveradi. — R. Rahmon, Mehr koʻzda
7. mat. Matematik hisobning har bir turi.
Toʻrt amal. Arifmetika amallari.
etn.
Uning gapiga koʻra, shomonlar oʻz amallari bilan turli balo-qazolarni daf etibdi. — Gazetadan
- Amalga oshmoq Yuzaga chiqmoq, vujudga kelmoq; barpo boʻlmoq; bajarilmoq. Orzular amalga oshdi. Reja amalga oshdi.Bu ishga ham birorta azamat bosh qoʻshsa, ajab emas, amalga oshsa. — Oydin, Hazil emish
- Amalga oshirmoq Yuzaga chiqarmoq, vujudga keltirmoq; bajarmoq; joriy qilmoq. Maqsadni amalga oshirmoq. Rejani amalga oshirmoq.
- Amal qilmoq 1. Hisobga olib ish tutmoq, rioya qilmoq. Shifosiz kasalga har bir dori-darmon zahardek amal qilar ekan. — Oybek, Tanlangan asarlar
- Amal tegmoq Bo-o xudo! Ammangga ham amal tegib qolgan. Kecha-yu kunduz churvaqalar bilan oʻralashgani-oʻralashgan. — Nazir, Bir tup gʻoʻza
- Amal olmoq Koʻkarmoq, tutmoq. Nihol jildirab suv oqib turgan joʻyakka ekilmasa, amal olmaydi. — A. Koʻchimov, Halqa