Қидирув

фл. Ажратмоқ феълининг мажҳул нисбати.

сфт. Бирор мақсад учун ажратилган, чиқарилган маблағ, пул ва ш. к.

..пул даромадлари ва бўлинмас фонд учун белгиланган ажратмалар кўпаймоқда. Давлат бюджетига ажратмалар ёки... — Газетадан

Никоҳнинг бекор қилиниши (бекор бўлиши), қўйди-чиқди

Кейин мен ҳам ажралиш ҳақида ариза ёзишга мажбур бўлдим — Газетадан

Бу қишлоқда ажралишлар, бевафоликлар, ахлоқий номапиубликлар ёʻқ даражада экан — Газетадан

сфт. 1. Ажратиб бўлмайдиган, ўзаро чамбарчас боғланган.

Адабиёт ва санъат маданиятнинг ажралмас қисмидир.

2. Бири биридан сира айрилмайдиган; иноқ, қадрдон.

Ажралмас дўстлар. Халқларнинг ажралмас дўстлиги.

фл. 1. Бириккан, ёпишган еридан кўчмоқ, узилмоқ.

Пўстлоғи танасидан ажралмоқ.

2. Бирлик, биргалик ҳолатидан чиқмоқ, алоҳида бўлмоқ.

..ота-онамнинг розиликлари билан улардан ажралиб, холамникида турдим. — С. Айний, Қуллар

3. Бирлик ҳолатини ёʻқотмоқ, алоқани узмоқ (алоқаси узилмоқ).

Бугунги тараққиёт эса табиийликдан ажралиб қолмоқда. — ТВ дастуридан

Элга қўшилсанг — эр бўласан, элдан ажралсанг — ер бўласан. — Мақол

Бир минут ҳам ажралмайман элимдан.. — Ҳ. Олимжон

4. Маҳрум бўлмоқ, жудо бўлмоқ; айрилмоқ.

Мансабдан ажралмоқ. ойликдан ажралмоқ. Ёридан ажралган етти йил йиғлар, элидан ажралган ўлгунча йиғлар. — Мақол

Бечора Гулбаҳор, карвондан ажралган бўтадай бўзлайди, шўрлик. — Ҳамза, Бой ила хизматчи

Кўнглингиз ошуфта бўлган нарсадан ажралиш — азоб. — Газетадан

5. Никоҳдан чиқмоқ.

Мени тергайдиган бўлсанг, Загсга бораман, ажраламан, дебди. — П. Турсун, Ўқитувчи

6. Алоҳидалик касб этмоқ, фарққа эга бўлмоқ; фарқланмоқ.

Бу ерда ҳаммадан ажралиб турган шахс — самарқандлик Тўғонбек эди. — Ойбек, Навоий

Йигит кўпгина фазилатлари билан тенгдошларидан ажралиб туради. — Газетадан

7. Алоҳида таркиб ҳосил қилмоқ.

Иссиқлик энергиясининг ажралиши.

Етмаги ажралиб қолган нишолдадек.. — Шукрулло

8. кам қўлл. айн. Бўлинмоқ.

Одатда булоқлар ўзларининг қайси тоғ жинсларидан чиқишига қараб, бир неча турларга ажралади. Газетадан. — (j.k.bilan)

9. Алоҳида-алоҳида бўлмоқ; бўлинмоқ.

Иккига ажралмоқ. Гуруҳларга ажралмоқ.

фл. 1. Ажрамоқ феълининг орттирма нисбати.

Гўштни суякдан ажратмоқ. Иш жойини ажратмоқ. Гумон дўстни дўстдан ажратар. — Мақол

— Сенинг муддаонг, — деди ҳожи, — марғилонлик келинни ўғлингдан ажратиб юбориш ва бу келининг билан қолдириш — шундоғми? — А. Қодирий, Ўтган кунлар

2. Орага тушиб, икки ёққа айирмоқ (мас., ёқалашувчиларни).

Одамлар ажратмаганда, бу хотин мулла Норқўзини ғажиб ташлар эди. — А. Қаҳҳор, Майиз емаган хотин

3. Айириб олмоқ, халос қилмоқ; қутқазмоқ.

..ўртага Бойсунқормирзо тушиб, ўғлини зўрға жаллод қўлидан ажратиб олган. — Мирмуҳсин, Меъмор

4. Бирор мақсад учун атаб, белгилаб айирмоқ.

Маблағ ажратмоқ.

Бунга қанча ер ажратамиз? — Ўрмонжон унинг саволига жавоб бермади. — А. Қаҳҳор, Қўшчинор чироқлари

5. Навларига, турига, хилига қараб айирмоқ; хилламоқ.

Сарагини саракка, пучагини пучакка ажратмоқ.

Анвар ҳудайчи учун ажратган аризаларни қўлига олиб, ўрнидан турди. — А. Қодирий, Меҳробдан чаён

6. Фарқига бормоқ, фарқламоқ.

Буларнинг қишлоқ болаларими ё шаҳар болаларими эканлигини ажратиб бўлмайди. — М. Исмоилий, Фарғона тонг отгунча

7. Айирмачилик қилмоқ, бошқалардан алоҳида (ёмон) муносабатда бўлмоқ, ўгай кўз билан қарамоқ.

Нуқул менинг боламни ажратасиз. — Сўзлашувдан

Ёʻқ, сен ўзбекларни ажратма. — Ойбек, Қуёш қораймас

8. Алоҳида (таъсирсиз) ҳолатга олмоқ.

Агар хонадонингизда грипп билан хасталанган бемор бўлса, уни бошқа оила аъзоларидан ажратиш талаб этилади. — Газетадан