Проект Hayot Foundation
О проекте
Ру
Ру

Поиск

По запросу «aʼzolik» — результатов: 18: Толковый

Фильтр
Тип словаря
Толковый Переводной Терминологический Фразеологический

Словарные статьи

12
aʼzo

ot 1. Odam yoki hayvon organizmining muayyan bir vazifani bajaruvchi qismi.

Sezgi aʼzolari. Ichki aʼzolar.

Har bir aʼzosi qaqshab ogʻrirdi. — Sharq yulduzi

2. Kishining butun vujudi; badan, tana.

— Siz nima javob berdingiz? — dedi butun aʼzosini titroq bosgan Gulsumbibi qichqirib. — Oybek, Tanlangan asarlar

3. Biror guruh, hudud va shu kabilarda yashovchi, unga mansub shaxs.

Oila aʼzosi. Mahalla aʼzolari.

4. Biror guruh, kengash, jamoa, jamiyat va shu kabilarga rasmiy qabul qilingan, saylangan, unda faoliyat koʻrsatuvchi shaxs, jamiyat, mamlakat va shu kabilar.

Partiya aʼzosi. Kengash aʼzosi.

Guruh aʼzolari qidiruv ishlarini moy tomchisi izidan boshlashga qaror qilishdi. — Gazetadan

Jahon hamjamiyatining teng huquqli bir aʼzosiga aylangan Oʻzbekiston hech qachon urush tarafdori emas va u tinchlik uchun kurashda mudom ishtirok etaveradi. — Gazetadan

  • Aʼzoyi badan Butun aʼzo, butun vujud. Ota uyiga yetib borganida ham aʼzoyi badanidagi qaltiroq bosilmadi. — S. Nurov, Narvon
Полная статья →
azob

ot 1. Jismoniy yoki ruhiy qiynoq.

Vijdon azobi. Ruhiy azob. Ilgari yoʻl azobi— goʻr azobi derdilar.

[Gʻulomjon] Yuragidagi bor dardlarini, tortgan azoblarini bir-bir aytib berdi. — M. Ismoiliy, Fargʻona tong otguncha

2. Ish-mehnat qiyinchiligi, mashaqqati.

[Xadicha] Oʻgʻli ne-ne azob bilan yasagan stollar, oʻrindiqlarning tashqariga chiqarib uyilayotgan siniqlarini koʻrib, dod solib yubordi. — M. Ismoiliy, Fargʻona tong otguncha

  • Azob bermoq Qiynamoq, qiynoqqa solmoq. Yoʻtal yomon azob beryapti.Zindonbonning daromadi qamalganlarga azob berish vositasi bilan ulardan olinadigan 4-5 tanga puldir. — S. Ayniy, Doxunda
  • Azob chekmoq (yoki tortmoq) Ruhan yoki jismonan qiynalmoq. Ayol tun boʻyi azob chekib, tongotarga yaqin koʻzi yoridi. — P. Tursun, OʻqituvchiOchlikdan nechogʻliq azob tortganini Navoiy ham eshitgan boʻlsa kerak. — P. Qodirov, Yulduzli tunlar
  • Goʻr azobi Oʻta azob, qattiq azob. Goʻr azobida yetishtirgan paxtasini zavodga keltirib, suv-tekin sotadi — M. Ismoiliy, Fargʻona tong otguncha
  • It azobida Nihoyatda azob chekib, oʻta azob bilan. It azobida tunni oʻtkazdi. — S. Siyoyev
  • Nima azob Nima jazo, nega muncha qiynalish (qiynalib biror ish qilayotgan kishiga achinib aytiladigan ibora). — Nima azob, dadasi, oʻpkangiz qirilib ketdi-yu,— Oyshabonu eriga achinib gapirdi. — H. Gʻulom, Mashʼal
Полная статья →
azon

ot 1. din. Namoz oʻqishga chaqiriq.

Masjiddan shom azoni eshitildi. — Sh. Toshmatov, Erk qushi

Shukur soʻfi mezanaga chiqib, azon aytdi. — A. Qodiriy, Mehrobdan chayon

2. Tong yorishish, gʻira-shira payti; erta tong.

— Shu boʻyi tuni bilan yigʻlab chiqibdi, soʻng, senday erga tekkuncha, qora yerga tegib qoʻya qolay deb, azonga yaqin bir iloj qilib qochibdi, — dedi Davlatyor. — P. Tursun, Oʻqituvchi

  • Qulogʻiga azon aytmoq Katta bobosi uning qulogʻiga azon aytib, tanglayini koʻtardi. — Mirmuhsin, Meʼmor
  • Soʻfi azon aytmasdan Juda barvaqt, tong saharda. Soʻfi azon aytmasdan nima qilib yuribsan?Kunlardan bir kun, soʻfi azon aytmasdan, oʻrnimdan turib — Shukrullo, Javohirlar sandigʻi
Полная статья →

Показать все · 12 →

В определениях

6