Поиск

ot Aʼlochi boʻlish odati.

sft. 1. Sifati, fazilati va sh.k. jihatidan eng yuqori; asil.

Korxonadan har kuni 28 tonna aʼlo sifatli mahsulot olinmoqda. — Gazetadan

Maktabda Sattorni hamma yaxshi koʻrardi: zehnli, oʻqishda ham, xulqda ham aʼlo bola edi. — Oʻ. Usmonov, Qismat

2. Oʻquv yurtlarida: besh balli tizimda eng yuqori baho.

Xoʻp, hozir koʻramiz.. “Yaxshi!“.. “Oʻrta“.. “Oʻrta“.. Qani “aʼlo“? Ruschadan nima uchun yaxshi? — A. Qahhor. Ayb kimda?

3. Aʼlo (erkaklar va ayollar ismi).

ot 1. Aʼlo bahoga oʻquvchi.

Ikkovimiz ham bir institutda oʻqidik. U [Muharram] ham aʼlochi edi, — dedi Elmurod. — Shuhrat, Shinelli yillar

2. Oʻz ishini, vazifasini aʼlo darajada bajaruvchi yoki faqat aʼlo sifatli mahsulot ishlab chiqaruvchi.

Aʼlochi brigada. Aʼlochi sotuvchi. Korxona aʼlochisi.

ot 1. Piyozdoshlar yoki loladoshlar oilasiga mansub, sersuv va etdor bargli tropik va subtropik oʻsimlik; sabur.

2. Shu oʻsimlik bargining shirasidan tayyorlangan dori.

ot ayn. Aloe.

Aloydan uy tabobatida juda qadimdan foydalanib kelishgan. — Saodat

ot 1. Turli vositalar yordamida axborotlarni uzatish va qabul qilish; xalq xoʻjaligining pochta, telefon, telegraf, radio, televideniye va b. orqali axborotlarni uzatish va qabul qilishni, pochta orqali buyumlar yuborishni taʼminlaydigan tarmogʻi.

Pochta aloqasi. Telefon aloqasi.

2. Kishilar yoki narsalar, voqealar, hodisalar oʻrtasidagi oʻzaro munosabat, ichki bogʻlanish.

Sanoatning dehqonchilik bilan aloqasi. Fanning ishlab chiqarish bilan aloqasi. Hokimiyatning keng mehnatkashlar ommasi bilan aloqasi.

3. Kishilar, tashkilotlar, davlatlar oʻrtasidagi muomala, munosabat, bogʻlanish; bordi-keldi.

Qardoshlik aloqasi. Doʻstlik aloqasi. Savdo aloqalari. Aloqamiz yaxshi. Aloqalari yomon. Aloqa bogʻlamoq. Aloqada boʻlmoq. Aloqa qilmoq.

Xullas, aloqamiz buzilib qoldi. — H. Nazir, Choʻl havosi

[Anvar] Yaxshi oilaga kuyov boʻlganidek, shahardagi boshqa davlatmandlar bilan ham aloqa bogʻladi. — A. Qodiriy, Mehrobdan chayon

[Hakim boyvachcha] Abdishukur bilan yaxshi aloqada boʻlishga tirishar edi. — Oybek, Tanlangan asarlar

4. Daxldorlik, tegishlilik, daxl.

Ochil bu gaplarning menga aloqasi yoʻq deganday qilib, qadamini tezlashtirdi va koridor toʻla studentlarga aralashib, koʻrinmay ketdi. — P. Qodirov, Uch ildiz

Ularni, birinchi navbatda, jinoyatga aloqasi bor, shubhali hayot kechiruvchilar yoqtirmaydi. — Gazetadan

5. Sevgi munosabatlari.

Anvar xususiy hayoti, ayniqsa, Raʼnoga aloqasidan hech kimga ogʻiz ochmas edi. — A. Qodiriy, Mehrobdan chayon