Qidiruv

ot 1. Shikast, buzilish; ziyon-zahmat.

Zalda hamma bir narsa toʻgʻrisida gaplashardi: Doʻl qattiq yogʻdi. Gʻoʻzaga zarar qilmasmikan? — R. Fayziy, Choʻlga bahor keldi

2. Savdo-sotiqda(n) koʻrilgan ziyon; umuman, moddiy yutqiziq.

Tarvuzi qoʻltigʻidan tushgan direktor teatrga bir yuz yetmish soʻm-u toʻrt tiyin zarar keltirgan shu tomoshabinning yoqasidan boʻgʻib, koʻchaga opchiqib tashlagudek oʻqraydi. — S. Ahmad, Saylanma

Oʻzingizga maʼlum, savdo ahli zararni yoqtirmaydigan, foyda talab xalq boʻladi. — K. Yashin, Hamza

Bizdan Mirzakarimboy hech vaqt zarar koʻrgani yoʻq. Paxta yildan-yilga moʻl boʻlib, foydasi ham oshib turibdi. — Oybek, Tanlangan asarlar

3. Kishi organizmiga, sogʻligiga yomon taʼsir; jismoniy ziyon, shikast.

Tamakining zarari.

ot 1. Kungurador, yapaloq bargli, yogʻochi qattiq daraxt.

— Bilasizmi, — dedi u [Choʻnjar] roʻparasidagi zarang daraxtining nurda tovlangan shapaloq barglariga mamnun tikilib, — toʻqqizinchi shaxtamizning oʻzida oʻttiz millatning vakili ishlaydi. — Y. Shamsharov, Qaxramonlik yoʻli

2. Shu daraxt yogʻochidan yasalgan (idish, hassa, oʻq-yoy, egar va boshqalar).

Korsonda qimiz keldi. Bek bir-ikki zarangni ichgandan keyin yaslanib, koʻkka qarab yotib oldi. — A. Qodiriy, Utgan kunlar

Muborakning otasi qish-da duradgorlik qilar, eshik, beshik, sandal, zarang tovoq yasardi. — S. Nurov, Narvon

Daho zarang tayoqning changini kaftlari bilan sidirib tashladi. — T. Murod, Qoʻshiq

İncelik, güzellik, zariflik.NOZIKLIK, GOʻZALLIK, NAFISLIK

sft. 1. Moddiy jihatdan zarar, ziyon keltiradigan; befoyda.

Zararli ish. Zararli bitim.

2. Kishi maʼnaviyatiga, ongiga salbiy taʼsir koʻrsatadigan, ziyonli.

Zararli fikrlar. Zararli odatlar.

Xurofotlarning puch, bemaʼni va zararli ekanini sodda tilda tushuntirish kerak. — Oybek, Oltin vodiydan shabadalar

3. Zarar, shikast yetkazuvchi, ofat keltiruvchi; zararkunanda.

Zararli hasharotlar. Chekish zararli.

Hammaga maʼlumki, havoda zararli mikroorganizmlar koʻp boʻladi. — Gazetadan

[Yongʻoq] Zararli hasharotlarga qiron keltiradi. — J. Abdullaxonov, Oriyat

sft. 1. Moddiy ziyon keltirmaydigan, bezarar.

2. Ziyon-zahmat yetkazmaydigan, beziyon; shikast yetkazmagan holda.

Zararsiz dori.

U ayniqsa daryo va botqoqlik yerlardan qoʻshinlarni tez va zararsiz olib oʻtish usullari bilan tanildi. — I. Rahim, Chin muhabbat

3. kesim vzf. Zarari yoʻq, bexatar, xavfsiz.

— Oʻziga jarohat olganmi? — deb soʻradi qutidor. — Boʻksasi bilan qoʻlidan yaralangan boʻlsa ham, zararsizdir [dedi Usta Olim]. — A. Qodiriy, Oʻtgan kunlar

oʻzbekchaZarafshon sh.ruschaг. Зарафшан