Qidiruv

fl. 1. Zoʻrlik bilan biror ishga undamoq, majbur qilmoq; xohishdan tashqari ish qildirmoq.

Bemorga zoʻrlab dori ichirmoq.

Usta Olim oshga sabzi bosish bilan ovora edi: — Men sizni zoʻrlamayman, lekin yoʻl ustida qorningiz ochib qolsa, oʻzingizdan oʻpkalang. — A. Qodiriy, Oʻtgan kunlar

[Matpano] Oʻzini har qancha zoʻrlagani bilan bugun bir chetda turib, yolgʻiz oʻzi gʻazal aytolmadi. — S. Siyoyev, Avaz

Rahima opa uni [qudasini] zoʻrlab qoʻltigʻidan olib, ichkari xonaga yetakladi. — Oʻ. Umarbekov, Yoz yomgʻiri

2. Birovning nomusiga tegmoq; tajovuz qilmoq.

Yosh bir yigit onasi tengi ayolni zoʻrlamoqchi boʻlyapti. — S. Siyoyev, Yorugʻlik

Qotillik va oʻgʻirlik qilish 9 protsent, zoʻrlash 5 protsent koʻpaygan. — Gazetadan

fl. Biror kimsa, narsa yoki holatdan nolimoq, shikoyat qilmoq, hasrat qilmoq.

Xotin kishi paranji ichida yigʻlab, qaqshab turib zorlandi: — Hokimtoʻra haqiqat qilsin. Bolamni chaqirib, oʻzi soʻra-sin! — M. Ismoiliy, Fargʻona tong otguncha

U [Unsin] bilan soʻzlashganda, tirikchilikka oid hech nimadan zorlanmagan edi. — Oybek, Tanlangan asarlar

[Gʻulom aka] Birovdan nolimaydi, birovdan zorlanmaydi ham. — J. Abdullaxonov, Toʻfon

Zorlanishdan, ichni yeyishdan boshqa hech nima qoʻlidan kelmagach, nima qil-sin? — M. Ismoiliy, Fargʻona tong otguncha

fl. Zoʻrlamoq feʼlining birgalik nisbati.

fl. Zorlanmoq feʼlining birgalik nisbati.

fl. Zorlanmoq feʼlining orttirma nisbati.

fl. Bozor qilmoq, bozorga borib kelmoq, bozorni aylanmoq.

Hamsoyamiz Qulmat polvon bozorlab keldi. Devordan boʻylab, narx-navoni soʻradim. — T. Murod, Ot kishnagan oqshom

Mayizni orqalab, bozorladim. Yarim bukilib, poʻsht, poʻsht deb bordik. — T. Murod, Ot kishnagan oqshom