Поиск

ot 1. Poyasidan tola, urugʻidan moy, yogʻ olinadigan bir yillik oʻsimlik.

Zigʻir ekmoq.

Rais, kolxoziga plan berilmagan boʻlsa-da, ozroq zigʻir, kunjut ektirayotganini, bitta eski juvozni ham saqlab qolib, ishlatayotganligini aytdi. — S. Nurov, Narvon

Nilufar dalalar yangi kamalak, Dehqon maftun boqar zigʻir guliga. — N. Narzullayev, Saylanma

2. Shu oʻsimlikning urugʻi, hosili.

Pakana yigitning kiyimlaridan zigʻir yogʻining hidi keladi, uning kasbi juvozkash. — P. Qodirov, Yulduzli tunlar

Kavushsimon sham-donga zigʻir yogʻi quyilib, paxta pilik yoqilgan boʻlsa ham, juvozxona ichi qizgʻish qorongʻi edi. — N. Fozilov, Oqim

ot 1. bot. Efir moyi olish uchun ekiladigan koʻp yillik oʻt.

Yara-chaqa boʻlganlarga kampirning otquloq, zigʻirak kabi oʻtlardan dori tayyorlab berishi-chi? — H. Nazir, Soʻnmas chaqmoqlar

2. Zargarlikda: isirgʻaga oʻrnatiladigan, oltin yoki kumushdan mayda yumaloq donachalar shaklida ishlangan bezak turi.

ot ayn. Zigʻirday.

Birorta odam zigʻircha kamchiligimiz haqida ogʻiz ochsa, tomogʻidan gʻippa boʻgʻamiz. — F. Musajonov, Himmat

Birovga zigʻircha ozor bergan inson emasman. — Yu. Shomansur, Qora marvarid

[Joʻraposhshaning] Rangida zigʻircha qon yoʻq, op-oqarib ketibdi. — M. Ismoiliy, Fargʻona tong otguncha

Sizda vafo degan narsadan zigʻircha bormi? — dedi Nishonboy Chinnixonga. — P. Qodirov, Yurakdagi quyosh

1. Juda oz, ozgina, jindek, qitdek.

Avazning yuragi achishdi. Benavo, bemajol xalqiga zigʻirdek koʻmak berolmasligini oʻylab, qalbi vayron boʻldi. — S. Siyoyev, Avaz

2. Juda kichkina, zigʻir urugʻicha.

Endi, katta mavzulardagi bahs-munozaralardan keyin, bu mushkullik zigʻirdekkina koʻrindi. — P. Qodirov, Uch ildiz

Bir-birini izlar shaydo ikki jon. Zigʻirdek jon, shaydoligi bir jahon. — Mirtemir

— Hoy kuyov, sizga bir gap boʻldimi, zigʻirdek bola zerikishni qayoqdan bilsin, — derdi [Gulsum kampir]. — N. Safarov, Tanlangan asarlar

ot Zigʻir ekish va yetishtirish bilan shugʻullanuvchi shaxs.

ot 1. Zigʻir oʻsimligining poyasi, tanasi.

2. Zigʻir ekilgan dala, maydon.

Podachi mollarni tor koʻchadan tez haydab, dalaga chiqaradi: u yerda zigʻirpoya bor. — Sh. Xolmirzayev, Ogʻir tosh koʻchsa

Belorussiyadagi oʻrmonlarning shovqini, undagi zigʻirpoyalarning nafasi hamma joylarga yetib kelgandek boʻldi. — Gazetadan