Qidiruv

ot 1. Yozmoq II 1 feʼlidan harakat nomi.

Yozuv mashinasi boʻlmagan tergovchi mahkamasining mirzasi bechora protokolni juda zoʻr diqqat va hafsala bilan koʻchirgan. — Choʻlpon, Kecha va kunduz

Natijada Yoʻlchi har kun terlab-pishib, soatlarcha yozuv mashq qildi. — Oybek, Tanlangan asarlar

2. Muayyan bir tilda qabul qilingan yozma belgilar yoki tasvirlar tizimi; alifbo.

Arab yozuvi. Runik yozuv.

Oʻnlab xalqlar: mordvalar, komilar, marilar, qoraqalpoqlar, xakaslar va boshqalar oʻz milliy yozuvlariga ega emas edi. — OʻTA

3. Grafik belgilarning tasviri, harflar.

Yana bu qoʻlyozmada shoirning Jomiy gʻazaliga taxmis yoʻli bilan yozgan muxammasi ham bor. Lekin yozuvlari juda chaplashib ketganligi uchun oʻqiy olmadik. — OʻTA

4. Yozilgan narsa, matn, xat.

Asad qori taxtadagi yozuvni tartibi bilan oʻqiy boshladi. — M. Ismoiliy, Fargʻona tong otguncha

Mirzakarimboy soqolini selkillatib kuldi va bu yozuvdan rozi boʻlganini bildirdi — Oybek, Tanlangan asarlar

Mana shunday yozuvlar Toshga oʻyib yozilgan. — Z. Diyor

5. Uyga yozish uchun berilgan vazifa.

Oyi-chi, oyi, bugun yozuvdan toʻrt oldim [dedi Baxtiyor]. S. — Zunnunova, Yangi direktor

sft. Yozuvi bor, ustiga yozuv bitilgan.

ot 1. Yozmoq II feʼlidan sifatdosh.

2. ot Badiiy asar yozish ishi bilan shugʻullanadigan shaxs; adib.

Talantli yozuvchi.

Er-xotin aytaversa, bu janjalning tarixi biron yozuvchining qoʻliga tushsa, kattakon bir kitob boʻladigan. — A. Qahhor, Jonfigʻon

Joʻraxon, yozuvchi bilan xayrlashib, tashqariga chiqdi. — Nazarmat, Joʻrlar baland sayraydi

3. salb. Igʻvogar, oraga nifoq soluvchi.

Bu yozuvchi koʻp odamlarni sarson qildi.

ot Badiiy ijod bilan shugʻullanish; yozuvchi kasbi.

Saidiy — joʻn student, yozuvchilikka unnab, hamisha muvaffaqiyatsizlikka uchrab yurgan bir yigit. — A. Qahhor, Sarob

Xotira daftarida yozuvchilik mehnatiga doir koʻp fikrlarni uchratish mumkin. — K. Qahhorova, Chorak asr hamnafas

ot Umuman, yozuv bilan boʻladigan, yozuv va chizuvga aloqador ishlar.

Kotiba doimo yozuv-chizuv bilan band,

Injenerlar ham yozuvchilarga oʻxshab doim yozuv-chizuv qilib yuradi. — Oydin, Suhbati jonon

Avvallari yozuv-chizuv ishlarini ham Botiralining oʻzi olib bordi. — S. Ahmad, Saylanma

ot Ovoz va rangtasvir yozib olish jarayoni va shu jarayon mahsulotining nomi.

Hajmiy kinematografiya, bir angstremga qadar ajratib olish qobiliyatiga ega boʻlgan mikroskopiya, rangli videoyozuv va boshqalar shular jumlasidandir. — Fan va turmush