Поиск

ot 1. Kishilarning fikr olishuvi yoki biror masalani hal qilish uchun toʻplanish; yigʻilish, majlis.

Niyoz qushbegi soʻzlab, yigʻinning maqsadi bilan ahli majlisni tanishtira bordi. A. — Qodiriy, Oʻtgan kunlar

Bosh muharrir katta yigʻinlarda, majlislarda qatnashaverib, xaloyiq oʻrtasida oʻzini tutishga usta boʻlib ketgan edi. — F. Musajonov, Himmat

2. Kishilarning biror marosim, ziyofat munosabati bilan yoki oʻzaro suhbatlashish, koʻngil ochish uchun toʻplanishi; yigʻilish.

Bil-dimki, bugun uyimizda bir yigʻin boʻladi. — Oydin, Doʻndiqdan ham yosh ekan

Shunday qilib, bu qiyomat yigʻin kecha yarim boʻlganda guv-guv bilan tarqaldi. — Choʻlpon, Kecha va kunduz

ot 1. Bir turli narsalarning bir joyga toʻplangan holati, toʻplami, majmui.

Qonunlar yigʻindisi. Qarorlar yigʻindisi.

Har qanday materiya alohida donalar yigʻindisidan tuziladi. — Qiziqarli geoximiya

Shovqin har xil kuch darajasidagi tovushlar yigʻindisidir. — Gazetadan

Shoirning nafis sheʼrlari hozir uning uchun tuzsiz soʻzlar yigʻindisidan boshqa narsa ham emas edi. — A. Qodiriy, Oʻtgan kunlar

2. mat. Ikki yoki bir necha sonning qoʻshilish natijasi, oʻzaro qoʻshilgan sonlar majmui.

Uch, olti va oʻn bir sonlarining yigʻindisi yigirma boʻladi.

sft. 1. Saranjom-sarishtali, tartibli; ixcham.

Yigʻinchoqqina uy. Yigʻinchoq bir hovli.

Yangi topshiriq Raufni yanada yigʻinchoq va ildam qilib qoʻydi. — Oʻzbekiston qoʻriqlari

2. otkam qoʻll. Yigʻin, yigʻilish joyi.

Hirotdagi bekzoda, vazirzodalarning kechki bazmlariga, yigʻinchoqlariga borib, kuyi, sozi bilan oʻltirishni qizitib, oʻz qornini toʻydirar edi. — Oybek, Navoiy

Joʻralashgan hayotning yigʻinchoqlari choyxonalarimiz boʻlsin. — Gʻ. Gʻulom

n neatness, tidiness

jıyın-terim

Maʼlumotlar blokining oxiriga yoziladigan bitlar ketma-ketligi. U blok uzatilgandan soʻng xato paydo boʻlgan boʻlmaganligini aniqlaydi. Buning uchun blokning tanasidagi 0,1 raqamlari blokni uzatishdan oldin argument sifatida, qabul qilingan formulalar boʻyicha hisoblanadi. Buning natijasida, hosil boʻlgan funksiya nazoratlovchi yigʻindi boʻladi. Maʼlumotlar blokini uzatilgandan soʻng bu amal takrorlanadi. Agar ikki funksiya bir xil boʻlsa, xato yoʻq deb hisoblanadi. Aks holda, blokda bir yoki undan ortiq xato paydo boʻlgan deb hisoblanadi.английскийchecksumрусскийконтрольная сумма