Qidiruv

ot 1. Yangi holat, yangi ekanlik.

Kiyimning yangiligi. Rahbarning yangiligi.

2. Ilgari maʼlum boʻlmagan, yaqindagina paydo boʻlgan narsa yoki hodisa; yangi xabar, maʼlumot.

Fan va texnika yangiliklari.

Qanday qilib boʻlardi, ish unumini oshiradigan yangilik oʻylab chiqdingiz-ku, yana bir yangilik kiritsangiz, ancha odam boʻshab qolishi tabiiy. — Sh. Rashidov, Boʻrondan kuchli

Zorqishloqda har kuni bir yangilik, har kuni bir moʻjiza yuz berardi. — S. Ahmad, Hukm

Sizning ana shu yangilik tarafdori ekaningizga hamma qoyil. — J. Sharipov, Saodat

Akram Adolatni yaxshi koʻradi. Qani, marhamat etib, mana bu yangilikni eshiting-chi, yoqarmikan sizga. — S. Anorboyev, Oqsoy

Sayfulla kun sayin bir yangilik topib kelardi: — Domla Tohirni, Mansurga koʻtartirib qoʻyib, qamchi bilan quymichiga xoʻp savaladi. — P. Tursun, Oʻqituvchi

fl. 1. Aynan bir narsaning eskisini yangisiga almashtirmoq, yangi qilmoq.

Soat prujinasini yangilamoq.

Zebi qaynata va qaynanaga vaqtida chilim tutishi, chilimning suvini tez-tez yangilab, sarxonasini tozalashi lozim edi. — Sh. Rashidov, Qudratli toʻlqin

Mehrinisa, eri idoraga borib kelaman, deb chiqib ketgach, dasturxonni yigʻib, samovarning kulini qoqdi, suv toʻldirib, olovini yangiladi. — R. Fayziy, Hazrati inson

2. Borini boshqasi bilan almashtirmoq; oʻzgartirmoq.

Kafedra mudirini yangilamoq. Ish joyini yangilamoq.yash

Noshud raisni yangilash zarur boʻlib qolganida, balogardon bizning Abdullajon otaga yopishib oladilar. — N. Safarov, Olovli izlar

3. Avvalgisi (eskisi) ham turgani holda yangisini olmoq.

Kiyimlarini yangilamoq.

Xullasi kalom, ishlarim chakki emas, doʻppim yarimta. Faqat menda bir armon bor. U ham boʻlsa, xotinni yangilab olsam. — Mushtum

fl. Yangilamoq feʼlining majhul nisbati.

fl. Yangilamoq feʼlining orttirma nisbati.

fl. Yangilamoq feʼlining birgalik nisbati.