fl. 1. Tomoqqa yaqin suyuqlikni yutmoq, yutgandek harakat qilmoq.
Chol qult etib yutindi. Oʻychan koʻzlarini nayga qadab, tikilib qoldi. — Oʻ. Hoshimov, Koʻprik
Lolaning koʻziga yosh keldi, lekin yigʻlamadi. Quruq yutinib, koʻz yoshini qaytarib yubordi. — Yo. Shukurov, Birinchi parvoz
2. Ichkisi, yegisi kelib, tomogʻida yutish harakatini qilmoq.
Choyxonachi keltirib qoʻygan choyni qaytarayotgan edi, dimogʻiga osh hidi urilib, yutindi. — Sh. Xolmirzayev, Miltiq otildi
Melivoy haqiqatda choʻllagan ekan, yutinib, piyolaga qaradi. — F. Musajonov, Nozik masala