Изоҳли луғат
· яна 6 та луғатда
от 1. Мағзи қаттиқ пўчоқ қобиққа ўралган кўп йиллик мевали дарахт.
Адолат чироқларни ёқиб юбориб, ёнғоқ тагидаги супага жой қилди. — И. Раҳим, Чин муҳаббат
Отлиқлар қўш ёнғоқнинг ёнидан ўтиб, тўғонга қараб бурилишди. — О. Ёқубов, Эр бошига иш тушса
2. Шу дарахтнинг меваси.
Ёнғоқ чақмоқ.
Улар боғга чиқиб, тўкилган ёнғоқларни териб турганда, Жонузоқ оқсоқол қайтиб келди. — С. Анорбоев, Оқсой
- Бир қоп ёнғоқ Хушчақчақ, ичида кири ёʻқ одам ҳақида. — Биз уни [Тожиматни] ёшлигимизда, бир қоп ёнғоқ, дер эдик. Эссиз, — деб ачинди Назаров. — С. Анорбоев, Оқсой[Умрзоқ ота:] Ҳа, Ғани самоварчи эски қадрдоним. Қурмағур бир қоп ёнғоқ: борсам, сира зериктирмайди. — Ҳ. Ғулом, Машъал
- Бошида ёнғоқ чақмоқ
- Қўйнини пуч ёнғоққа тўлдирмоқ Амалга ошмайдиган, қуруқ ваъдалар билан алдамоқ. Бек Лаълининг қўйнини шу вақтгача пуч ёнғоққа тўлдириб келаётганини оппа-очиқ айтди-қўйди. — Ҳ. Ғулом, МашъалЛекин мен сизнинг қўйнингизни пуч ёнғоққа тўлғизмайман [деди Сидиқжон]. — А. Қаҳҳор, Қўшчинор чироқлари