sft. 1. Foydalanilmaydigan paytda yigʻib-taxlab qoʻyiladigan, yigʻiladigan.
Yigʻma kursi.
Bu yerda [palatkada] uch yigʻma koyka bir-biriga taqab qoʻyilgan edi. — A. Muxtor, Davr mening taqdirimda
Bir necha kishi mashinalardan gʻirillatib koʻtarilgan yigʻma narvonlardan bino tomlariga chiqa boshladi. — M. Xayrullayev, Tilla marjon
Choʻlda ikki va bir xonali yigʻma uylar qurildi. — Oʻzbekiston qoʻriqlari
2. Turli qism yoki elementlardan yigʻilgan, bir butunni tashkil qiladigan; terma.
U yaqinroq borib, eʼlon tagidagi roʻyxatni koʻrdi: Qishloq oʻquvchilarining yozgi yigʻma otryadi. Unda yigirmadan ortiq bolaning nomi yozilgan. — H. Nazir, Soʻnmas chaqmoqlar
Yoshlarning vakillari yigʻma orkestr sadolari ostida stadion maydonini aylanib chiqishadi. — Gazetadan