Qidiruv

sft. 1. Biror narsaning ikki teng qismidan bittasi, ikkidan bir boʻlagi, ikkidan biri.

Yilning yarmi. Nonning yarmi. Qishning yarmi tugadi. Ishning yarmi bitdi.

Yoni-veri bilan qoʻshilib, bir tanobdan moʻl yer qoʻlga kiradi. Keyin yaxshilab chopasan. Yarmiga sabzi, yarmiga kartoshka ekasan. — Oybek, Tanlangan asarlar

Oy ham qora narda ichidan yarim yuzini ochib, yer yuziga moʻralab qoʻydi. — A. Qodiriy, Oʻtgan kunlar

2. Butunning ikkidan biriga teng miqdor; 0,5.

Yarim yil. Yarim litr yogʻ. Yarim metr las. Yarim kilogramm shokolad. Yarim soat suhbat.

3. Bir narsaning oʻrtasi, oʻrta beli.

Yoʻlning yarmiga yetganda, mashina buzilib qoldi. U yarim kechada yetib keldi. Bu togʻning yarmiga arang chiqdik.

Xolisaning norozi ovozi eshitildi: — Yarim kecha boʻldi-ku! S. — Nurov, Narvon

Vaqt yarim tundan oshgan edi. A. — Muxtor, Opa-singillar

4. Toʻliq emas, notoʻliq; chala.

Yarim shaffof. Yarim qorongʻilik. Yarim jiddiy. Yarim hazil.

Uning ogʻzi yarim ochiq, sariq moʻylovi yupqa labining ikki chekkasidan osilib turardi. — N. Aminov, Suvarak

Aravaga, undan boshqa, yarim yalangʻoch, sochlari hurpaygan bir yigit ham oʻtirdi. — Oybek, Nur qidirib

5. Ikki xil narsa, modda, hodisa va shu kabilardan tashkil topgan, aralash.

Yarim jun mato. Yarim ipak shohi.

son 1. Butunning ikkidan bir qismi, qoq yarmi.

Yarimta non. Yarimta tarvuz.

Yigit yelkadan qopchasini yechib, yarimta gʻishtday non, ikki katta chaqmoq qand, bir qarichcha yoʻgʻon kolbasani oldi. — Oybek, Quyosh qoraymas

2. s. t. Yarim litr ichkiligi bor butilka; yarimtalik.

Mannop kattakon barxan salqinida yonboshlab yotar, yarimtani boʻshatay deb qolgan edi. — J. Abdullaxonov, Toʻfon

Oloy bozoridan mastava masalliq xarid qilishdi. Zoyirjon yarimta aroq oldi. — Oʻ. Hoshimov, Qalbingga quloq sol

sft. Kuch-quvvatdan ketgan; zaif, nimjon.

U [mahbus] yarimjon gavdasini devorga tirab uzun barmoqlari bilan tasbeh oʻgirardi. — A. Hakimov, Ilon izidan

ot geogr. Har uchala tomoni suv bilan oʻralgan va faqat bir tomondan quruqlikka tutashgan orol.

ot 1. Sharning yarmi shaklidagi jism.

2. Yer kurrasining ekvator yoki meridianlarning biri boʻyicha boʻlingandagi hududi.

Shimoliy yarimshar. Gʻarbiy yarimshar.

fl. Yarmiga yoki oʻrtasiga yetmoq; yarmi ketib, yarmi qolmoq, yarim boʻlib qolmoq.

Hovuz suvi yarimlab qoldi.

Shu tariqa qish ham yarimladi. — S. Ahmad, Ufq

[Dasturxonda] Bir shisha aroq boʻshatilgan, ikkinchisi yarimlagan, non bilan mevadan boshqa yegulik narsa koʻrinmasdi. — H. Gʻulom, Senga intilaman

Dars yarimlaganda, oʻqituvchi birdan quloq solib qoldi Allakimning pishillayotgani baralla eshitildi. — R. Rahmonov, Changalzordagi sharpa