Қидирув

сфт. 1. Илгари бўлмаган, энди юзага келган (келаётган, келадиган).

Янги ариқ. Янги технология. Янги девор. Янги завод. Янги ёʻл. Янги илмий ёʻналиш. Янги корхона. Янги уй. Янги шаҳар. Янги нав.

Тинчлик-омонлик бўлса, бир кун келиб, янги данғиллама иморатлар солиб ҳам, ҳозиргидай, шунчалик гап экан-ку, деймиз. — А. Қаҳҳор, Қўшчинор чироқлари

У дўстларига тунов кунги янги шерини маъқул қилолганига қувонарди. — С. Сиёев, Ёруғлик

У Мирмуродовни ҳар кўрганда: — Янгиси борми, эшитайлик, — деб сўрайдиган бўлди. — Гулдаста

2. Ҳали тутилмаган ёки жуда кам ишлатилган, асл ҳолатини ёʻқотмаган; зид. эски.

Янги кийим. Янги машина.

Душанба куни янги банорас тўн ва янги яшил бахмал дўппимни кийиб, идорага бордим. — Гулдаста

3. Иш-фаолияти, ҳаёти энди бошланган, бошланганига ҳали кўп бўлмаган; янги қилинган.

Бу ишда у янги, ёрдам бериш керак.

У — янги ҳисобчимиз Оқпўлат аканинг якка-ю ягона арзанда ўғли. — С. Сиёев, Ёруғлик

Сатторқул янги раис бўлса ҳам, шошмасдан кўкламни тизгинлаб олди. — А. Қаҳҳор, Қўшчинор чироқлари

Ниҳоят, отаси ўз муддаосига етди — қизини янги куёвга топшириб тинчланди. — А. Қодирий, Ўтган кунлар

4. Ўзаро навбатда аввалгисидан кейингиси; навбатдагиси, эндигиси.

Янги директор. Янги лавозим.

Билим масканларида янги ўқув йили бошланди. — Газетадан

Ҳа, тонгни қаршилаб олса-да такрор, Янги деб атайди ҳар кунни одам. — А. Орипов

5. Шу йил, шу мавсумга тегишли; шу йилга оид; дастлабки.

Шўрвага янги картошка солинди. Янги буғдойнинг нони.

Янги ҳосилни пешма-пеш қабул қилиш ва ундан сифатли тола ажратиб олишга ҳам пухта ҳозирлик кўрилди. — Газетадан

1. Zarara yol açan büyük ateş.ЁНҒИН

2. (Hastalıkta) Ateş.ИСИТМА (касалликда)

Yangiyer.

сфт. 1. Илгаригиларга ўхшамаган ҳолда, янги усулда, янги тартибда.

Биз янгича ишлаймиз, янгича яшаймиз.

Янги супурги янгича супуради, деб тўғри айтарканлар. — Ж. Абдуллахонов, Тўфон

У бутунлай янгича кийинган: оёғида ғарчли сариқ ботинка, эгнида кулранг костюм, сочини жуда силлиқлаб, орқасига тараган эди. — П. Турсун, Ўқитувчи

2. сфт. Илгаригиларга ўхшамайдиган, янги урф бўлган.

Янгича турмуш. Янгича кийиниш. Янгича муносабат.

Абдишукурнинг тили қичиб, янгича тўй ҳақида муфассал изоҳ бермоққа чоғланган эди, лекин сўзни Ҳакимбойвачча илиб кетди. — Ойбек, Танланган асарлар

[Абдусамад қори:] Мен бир оз эскича ўқиганман, янгичага ҳали машқим роса бўлган эмас. — А. Қаҳҳор, Қўшчинор чироқлари

рвш. Қайтадан, қайта бошдан, бошқатдан, янгитдан.

Мақолани янгидан таҳрир қилиш керак.

Гўё бўлиб ўтган можаро янгидан бошланиб, энди Абдурасул даъвогар бўладиганга ўхшар эди. — П. Турсун, Ўқитувчи

Кўм-кўк осмон худди артилган шишадек тиниқ. Гўё олам янгидан яратилган. — С. Аҳмад, Ҳукм

от 1. Янги ҳолат, янги эканлик.

Кийимнинг янгилиги. Раҳбарнинг янгилиги.

2. Илгари маълум бўлмаган, яқиндагина пайдо бўлган нарса ёки ҳодиса; янги хабар, маълумот.

Фан ва техника янгиликлари.

Қандай қилиб бўларди, иш унумини оширадиган янгилик ўйлаб чиқдингиз-ку, яна бир янгилик кирицангиз, анча одам бўшаб қолиши табиий. — Ш. Рашидов, Бўрондан кучли

Зорқишлоқда ҳар куни бир янгилик, ҳар куни бир мўжиза юз берарди. — С. Аҳмад, Ҳукм

Сизнинг ана шу янгилик тарафдори эканингизга ҳамма қойил. — Ж. Шарипов, Саодат

Акрам Адолатни яхши кўради. Қани, марҳамат этиб, мана бу янгиликни эшитинг-чи, ёқармикан сизга. — С. Анорбоев, Оқсой

Сайфулла кун сайин бир янгилик топиб келарди: — Домла Тоҳирни, Мансурга кўтартириб қўйиб, қамчи билан қуймичига хўп савалади. — П. Турсун, Ўқитувчи