Izohli lugʻat
· yana 4 ta lugʻatda
ot 1. ayn. Yalla.
Devsifat kishi yallosini toʻxtatdi-yu, jamoatga qarab hayqirdi. — M. Ismoiliy, Fargʻona tong otguncha
— Savlatingga, gʻayratingga qoyilman! — degan yalloni aytib qoʻyadi, goʻyo bu bilan oʻzining muvaffaqiyatiga jar soladi. — A. Qodiriy, Obid ketmon
2. Oʻyin-kulgi, xursandchilik.
Bilasiz-ku ishimni. Hamma vaqt yallo, oʻzim xon, koʻlankam maydon. — R. Fayziy, Hazrati inson
- Yallo qilib yurmoq Hech bir ish qilmay, hech narsaga qaramay, vaqtini oʻyin-kulgi, xursandchilik bilan oʻtkazmoq. [Xolmirza] Valining anchadan beri xotinini tashlab qoʻyib, kasalmand onasiga suv ham tomizmay, boshi oqqan tomonda yallo qilib yurganini eshitgandi. — H. Nazir, Oʻtlar tutashganda