Qidiruv

ot Yosh doya, yosh enaga.

Choydan keyin doyacha Kumush yonidan bir oz vaqtga chiqib turdi. — A. Qodiriy, Oʻtgan kunlar

Doyacha kim, aqiqaga nechta qoʻy kerak, nechanchi kunda toʻy oʻtkaziladir? — A. Qodiriy, Oʻtgan kunlar

ot ayn. Doya 1.

ot 1. ayn. Tuyakash.

— Kech bilan bozorni olib, somon sotib qaytgan tuyachining tuyasiga ikkita-ikkita mingashib, Eshon-bozorga qarab yoʻl soldik, — dedi Shum bola. — Gʻ. Gʻulom, Shum bola

2. Tuyachilik bilan shugʻullanuvchi kishi, tuyachilik mutaxassisi.

ot ayn. Askiyaboz.

Bularga kolxozchi havaskor ashulachilar, oʻyinchilar, qiziqchilar, nihoyat, tarafma-taraf askiyachilar qoʻshilib, konsert qorongʻi tushguncha davom etdi. — A. Qahhor, Qoʻshchinor chiroqlari

ot 1. Hikoya qiluvchi, ertak va hikoyalarni soʻzlab beruvchi.

2. Hikoyalar yozuvchi, hikoyanavis.

ot 1. Qoʻllab-quvvatlovchi, yordam beruvchi; homiy.

Otaxoʻja akaning gapida jon borligini tushunib, korandalar jim oʻtirar, endi ularning himoyachisi borligi dalda berardi. — S. Yunusov, Kutilmagan xazina

Darhaqiqat, himoyachi akalari tufayli uning doʻppisi doimo qaytoqi. — Mushtum

2. Hujum, bosqin va shu kabilardan qoʻriqlovchi, himoya qiluvchi.

Vatan himoyachilari.

Samarqanddan qaytgan chopar Boburning hayot bilan oʻlim orasida behush boʻlib yotganini aytib bergandan keyin, qalʼa himoyachilarining bir qismi fitnachilar tomonga qochib oʻtib ketdi. — P. Qodirov, Yulduzli tunlar

Armiya harbiy sovetining murojaati, ayniqsa, kichik yer himoyachilarining kuchiga kuch, gʻayratiga gʻayrat qoʻshdi. — T. Rustamov, Mangu jasorat

3. huq. Sudda ayblanuvchining manfaatini yoqlovchi, uni himoya qiluvchi.

Jamoat himoyachisi.

Tergov, surishtiruv organlari tomonidan olib borilgan taqdirda, himoyachining ishda ishtirok etishi man etiladi. — Gazetadan

4. sprt. Komandaning himoya qismida oʻynovchi.

Bolalar koʻchani boshlariga koʻtarib, changitib, koptok tepishardi Ikki tomonning darvozaboni, hujumchi-yu himoyachilari bor. — R. Fayziy, Hazrati inson

Bu oʻyinda hamshaharlarimiz tarkibida himoyachi Nikolay Maslov birinchi marta oʻyinga tushdi. — Gazetadan

5. Dissertatsiya, loyiha va shu kabilarni himoya qiluvchi, yoqlovchi.

Himoyachi oʻz qarashlarini ishonarli dalillar bilan asoslab, savollarga toʻliq va aniq javob berdi. — Gazetadan