Qidiruv

ot 1. Biror narsaning yirtilgan, teshilgan, uzilgan joyini yamash, butunlash uchun moʻljallangan bir parcha mato, charm va shu kabilar

Shimining tizzasi bilan oʻng choʻntagining tagiga yamoq solingan edi. — S. Karomatov, Oltin qum

Plansiz, muvaqqat uylar, zar libosga boʻz yamoq singari, qalʼa husnini buzib turibdi. — Gazetadan

2. Yamoq solingan, yamoqli joy.

Sherali, juda boʻlmasa, bitta yamoqni bekitmoqchi boʻlib, koʻylagini shimining ustidan tushirdi. — S. Karomatov, Oltin qum

U otasining chang bosgan boʻyniga, choponining yelkasidagi yamoqlarga nazar soldi. — Sh. Toshmatov, Erk qushi

3. Yamash talab etadigan, yamaladigan narsa, buyum.

U endi vaqtining koʻpini har kim keltirgan yamoqlarni yamash bilan oʻtkaza boshladi. — Oybek, Tanlangan asarlar

4. Yamash, yamashga oid.

Yamoq ishlari siyraklashgach, yuvilgan kiyimlarga dazmol bosishdi. — Shuhrat, Shinelli yillar

5. Yamoq solingan, yamab tikilgan; yamalgan, yamoqli.

Yamoq koʻrpa. Yamoq toʻn. Yamoq etik,

Ayvon ustuniga suyanib turgan ola-bula yamoq choponli bir bola kelib, uning oldiga tushdi: — Qani, yuring, mullaka! — P. Tursun, Oʻqituvchi

Tizzasi yamoq shimni torlik qilib qolguncha kiyib yurdi. — U. Ikromov, Unutilmas xotiralar

6. koʻchma Tuzalgan yaraning izi, chandiq.

Yuzning yamogʻi.

Mehmonning boshida qandaydir tirtiq, yamoq dogʻlar, soch chiqmagan joylar ham bor edi. — U. Ismoilov, Saylanma

7. koʻchma Kam-koʻstni, kamchilikni toʻldirgan narsa.

Yomonga yomon bul, Yaxshiga yamoq boʻl. — Maqol

Paxtadan kelgan hayon chorvaga yamoq boʻlib ketardi. — Y. Shamsharov, Toshqin

ot 1. ayn. Muz.

Yaxda toygʻanmoq. Ayronga yax solmoq.

Ariq boʻylariga ataylab goʻyo Yaxdan marjon yasab taqibdi birov. — T. Toʻla

Bizning chashmamizning suvidanam shirin-a., koʻringlar, yax! — K. Yashin, Hamza

2. Biror maslahat, yoʻl-yoʻriqqa koʻnmasdan oʻjarlik qilmoq, bezrayib turavermoq.

— Men salkam 30 yildan buyon paxtaning ichidaman. Menga mashinang kerak emas, — dedi-yu, yaxman deb turib oldi [Hojiboy aka]. — Gazetadan

Yalpi hududiy mahsulot

Yalpi ichki mahsulot

taql. s. Bir marotaba, qoʻqqisdan yuz bergan (koʻringan) nurni (yorugʻlikni) bildiradi.

1. Avval boʻlgan ish-harakat, narsa-hodisaning takror yuz berishini, boshlanishi va davom etishini bildiradi; takror holda; qaytadan, tagʻin.

Yomgʻir yana yogʻa boshladi.

Lektor., xatga qarab, jahl bilan yana bir marta Oʻrtoqlar dedi-yu, leksiyani boshlab yubordi. — A. Qahhor, Quyushqon

Usta Farfi uni yana bir qat koʻzdan kechirib olgach, choʻkkalashini buzib, chordana qurib oldi. — A. Qodiriy, Oʻtgan kunlar

Avaz doʻkonda yana birpas kitob mutolaa qilib oʻtirdi. — S. Siyoyev, Yorugʻlik

Sentyabr tong otariga yaqin qoldi, yana sinflarda oʻquvchilarning shodon ovozi jaranglaydi. — Gazetadan

2. Bundan tashqari, buning ustiga.

Yana bir savat non bor.

Choyni iching, yana olib chiqaman. — Oybek, Tanlangan asarlar

Masalaning yana bir nozik tomoni bor. Boʻgʻoz sovliqni uzoq yotqizib boʻlmaydi: bola tashlaydi. — Gazetadan

Oʻrtoq Baqoyev yana bir piyola choy soʻradi. — A. Qahhor, Adabiyot muallimi

[Mirzakarimboy] Bir nafas oʻylab, yana uch soʻmlik qogʻoz va bir soʻlkavoy qoʻshib, Yoʻlchiga tashladi. — Oybek, Tanlangan asarlar

3. (odatda bir, biror soʻzi bilan birga) Ilgarigilardan boshqa; boshqa bir; yangi, boshqa.

Yana bir masala chiqib qoldi. Ya na biror gap yoʻqmi?

Xon maktubning yana bir joyida sheʼr bitgan edi: Men Samarqandni sensiz netayin — P. Qodirov, Yulduzli tunlar

— Qarigan chogʻida xoʻrozqand yalamay domla ham oʻlsin! — dedi yana biri. — A. Qahhor, Toʻyda aza

4. ayn. Yanada.

Shuning uchun qoʻrboshining boyagi shubhasi yana kuchaydi. — A. Qodiriy, Oʻtgan kunlar

Ashula nihoyasiga yetdi. Lekin bir zumdan keyin yana ayni tovush parvoz qildi. Ammo oʻzga maqomda, yana chuqurroq mavjlanishlar, jilvalar bilan, koʻngilni yana qattiqroq sehrlovchi ingichka titramalar va ranglar bilan — Oybek, Tanlangan asarlar

5. yukl. Taʼkid bildiradi; tagʻin.

Yana shoʻxlik qilib yurmagin! — E. Raimov, Ajab qishloq

Siz ham, eski muallimga oʻxshab, ketib qolmang yana! — P. Tursun, Oʻqituvchi

Sen supada oʻtir, oʻtkinchilar yana bir narsani ilib ketmasin! — Oybek, Tanlangan asarlar