Qidiruv

und. s. Maqtov-maʼqullashni bildiradi; balli, barakalla

Yashang, oʻgʻlim, kam boʻlmang! — A. Qahhor, Asarlar

ot Uch yoshgacha boʻlgan goʻdaklarni saqlab boquvchi tarbiyaviy muassasa.

Kelinlar dalada, nevaralar bogʻchada va yaslida; hovli jimjit. — I. Rahim, Chin muhabbat

ot 1. Qonunlar majmui; qonun.

Chingizxon yasogʻi. Xorazm xonligi jazo qonunlari yasogʻi.

Ufadagi Madrasayi oliyada shogirdlarga har kuni bir soat, juma kunlari kechgacha koʻchada yurishga ruxsat etilar, boshqa vaqtlarda koʻchaga chiqish qatagʻon yasoq edi. — M. Muhammadjonov, Turmush urinishlari

2. Jazo.

Siyosat uchun maydonda yasoqqa yetkazish kerak, toki boshqalarga ibrat boʻlsin! — dedi Uzun Hasan. Yasoqqa yetkazish xaloyiq oldida boshini olish, degan gap edi. — P. Qodirov, Yulduzli tunlar

sft. 1. Yuza, yoyiq, yalpoq.

Yassi tarelka. Yassi qayiq.

Akramxon yigitni zimdan kuzatdi: keng yuzi zahil, koʻzlari nursiz, burni yassi, qulogʻi ostidagi yamogʻida tigʻ oʻrni sezilib turardi. — I. Rahim, Tinimsiz shahar

2. Oʻnqir-choʻnqirsiz, tekis; yuza.

Brigada yerining bir boʻlagi yassi tepalikdan iborat edi. — Tuygʻun, Yoʻldosh akani eslab

Mana, aylanma yoʻllar ham orqada qoldi. Yagʻrindor yassi qir boshlandi. — S. Anorboyev, Oqsoy

sft. 1. Qoʻlda yasalgan; xonaki.

Yasama pichoqcha. Yasama radiopriyomnik. Yasama stol.

2. Asli oʻziniki emas, tayyorlangan; notabiiy, sunʼiy.

Yasama tish.

— Sizga bir ogʻiz soʻz aytib qoʻyishimni buyurdilar, — dedi yasama soqol-moʻylov yopishtirib olgan Qora Qoplon — K. Yashin, Hamza

3. Haqiqiy boʻlmagan; gʻayritabiiy.

Yasama kulgi. Yasama noz. Yasama tabassum.

Boya juda samimiy tuyulgan xushchaqchaqligi esa endi qandaydir yasama boʻlib koʻrindi Jabborga. — O. Yoqubov, Uchrashuv

Bularning hammasi uquvsiz yosh artist tomonidan birinchi martaba birinchi repetitsiyada bajarilgan rolday yasama chiqdi. — A. Qahhor, Sarob

Asarning yasama syujeti, sunʼiy tili Nabijonni ranjitdi. — H. Gʻulom, Zamin yulduzlari

4. ayn. Qalbaki.

Gazetalarimiz balandparvoz, sunʼiy va yasama materiallarga mutlaqo oʻrin bermasliklari zarur. — Gazetadan

yigʻilishlarning hammasini oʻtkazish mumkin boʻlmaganligi uchun, yasama qarorlar yozib qoʻyish bilangina cheklanilmoqda. — Gazetadan

5. tlsh. Yasovchi qoʻshimchalar vositasida hosil qilingan, yasalgan.

Yasama ot. Yasama sifat. Yasama ravish. Yasama feʼl.

Sodda terminlar oʻz oʻrni bilan ikkiga boʻlinadi: tub va yasama terminlar. — OʻTA

sft. Sanoq sonlar yoki oʻrta soʻzi bilan qoʻllanib, odam yoki hayvonning shu soʻz bildirgan yoshda ekanini bildiradi; yoshli.

Yarim yashar bola. Uch yashar qiz. Oltmish yashar chol. Oʻrta yashar xotin. Besh yashar ot. Ikki yashar tana. Bu gapni yetti yashardan yetmish yashargacha hamma biladi.

Ustaning shogirdi — oʻn toʻrt yashar Yoʻldosh — deraza oldida oʻtirardi. — Oybek, Tanlangan asarlar

Bir kun Qudrat suv sepib turgani ustiga oʻzidan bir yashar katta boʻlasi ichkaridan yogʻoch ot minib chiqib qoldi. — M. Ismoiliy, Fargʻona tong otguncha