Qidiruv

ot 1. Baland, yuqori.

Yuksak bino.

Sening rejang bilan yuksak togʻlarning Ushatdik, qoʻzgʻatdik zoʻr bardoshini. — Gʻayratiy

Faqat yuqori sinf shogirdlaridan bir nechasi adil, yuksak palma daraxtlari ostida nimalardir toʻgʻrisida jim-gina, lekin jiddiy suhbatlashmoqda edilar. — Oybek, Nur qidirib

2. koʻchma Yuqori darajadagi, oliy.

Yuksak unvon. Yuksak martaba. Yuksak malakali mutaxassislar. Yuksak hurmat.

Bu yuksak insoniylik barqaror ekan, bizni hech qanday dushman yengolmaydi. — R. Fayziy, Sen yetim emassan

ot 1. Yuksak holat.

Uyning yuksakligi.

Burchakda, yerdan ikki yarim gazlar yuksaklikda kun botishga qaratib qurilgan ikkita koʻrimsiz bir betli eshiklar yuzlariga yopiq holda edi. — A. Qodiriy, Oʻtgan kunlar

2. Yer sathidan juda yuqoridagi boʻshliq, balandlik; osmon.

Oy yuksaklikka koʻtarilgan, bepoyon paxtazor kumush nur ichida chayqaladi. — X. Toʻxtaboyev, Felyetondan soʻng

fl. 1. Baland koʻtarila bormoq, yuqori tomon oʻrlamoq.

Hammaning koʻzi uzoqdagi, osmonni yutmoqchidek quturib lOKcajieaH dahshatli yongʻinda edi. — Oybek, Quyosh qoraymas

Choʻqqilarga ketsam yuksalib, Past-da qolib ketar adirlar. — U. Qoʻchqorov

2. koʻchma Oʻsmoq, rivojlanmoq; kamolotga erishmoq.

Madaniyatimiz tobora yuksalmoqda.

Asosiy vazifalardan biri yosh havaskor yozuvchilarning ijodiy yuksalishiga yordam berishdir. — N. Safarov, Olovli izlar

fl. Yuksalmoq feʼlining orttirma nisbati.

fl. Yuksaltirmoq feʼlining majhul nisbati.