Қидирув

сфт. 1. Бирор кимса ёки нарсанинг ўзигагина оид, ўзидагина бўладиган.

Болаларга хос қилиқ. Раҳбарнинг ўзига хос иш услуби.

Клара аёлларга хос чиройли ҳаракат билан сочини орқасига ташлаб юборди. — Ў. Ҳошимов, Қалбингга қулоқ сол

Чол кексаларга хос боқиш билан бир зум тикилди: — Кел, чироғим, нима хизмат? — Ойбек, Танланган асарлар

2. Бирор шахснинг ўзигагина тегишли бўлган, ўзигина фойдаланадиган; шахсий.

Оқ отлиқ Бобур мирзо юздан ортиқ беклари ва хос навкарлари билан тоғ этагига яқинлашиб қолган эди. — П. Қодиров, Юлдузли тунлар

от 1. Ижобий хусусият, яхши фазилат, хислат.

Меҳнатда бор кўп хосият, шарофат. Бел боғласа меҳнатга ким, азиздир. — Ҳабибий

— Рост, бу келиннинг ҳуснидан ҳам бошқа яна тағин бир алоҳида хосияти борга ўхшайдир, — деб кулар эди [Ўзбек ойим]. — А. Қодирий, Ўтган кунлар

2. Хосият (хотин-қизлар исми).

сфт. Яхши хусусиятга эга; ижобий натижа берадиган; фазилатли.

Бу ернинг офтоби, шамоли, суви ана шундай хосиятли. — Ойбек, Олтин водийдан шабадалар

Умидвор инсонлар, уни олқишланг, Фақат хосиятли бўлади баҳор. — А. Орипов

— Сенинг пойқадаминг хосиятли келди, ўғлим, золим Асфандиёр зулми барбод бўлди, — деб эди Қурбон ота. — Н. Сафаров, Севги

сфт. айн. Бехосият.

[Заргаровнинг[ Кўнглида нимадир қаттиқ дарз кетган хосияциз оқшом кўз олдида гавдаланди. — А. Мухтор, Бўронларда бордек ҳаловат

Вайроналар азалдан хосияциз жой ҳисобланган. — Ёшлик

1. Сўроқ гап олдида келиб, “айтингчи”, жавоб беринг-чи, тушунтириб беринг-чи каби маъноларни ифодалайди.

[Ҳомид:] Хўш, Содиқ полвон, ишлар қанақа, Тошкентда нима гаплар бор? — А. Қодирий, Ўтган кунлар

2. Қисташ маъносини ифодалайди.

Ҳеч ким бошламади. — Хўш, гапиринглар, — деди Бўтабой. — А. Қаҳҳор, Қўшчинор чироқлари

3. Нутқ жараёнида топилмай қолган сўз ўрнида ёки пауза ўрнида қўлланади.

Хўш десангиз, Бағдод шаҳрида Абутанбал деган бир ялқов йигит ўз онаси билан яшар экан. — Ғ. Ғулом, Тирилган мурда

от Муайян нарсанинг бошқа нарсалардан фарқини, ўзига хослигини билдирувчи белгилар.

Биологик мембраналарнинг яна бир ноёб хоссаси — ионларни термодинамик усулда ташишдир. — Фан ва турмуш