Qidiruv

sft. 1. Biror kimsa yoki narsaning oʻzigagina oid, oʻzidagina boʻladigan.

Bolalarga xos qiliq. Rahbarning oʻziga xos ish uslubi.

Klara ayollarga xos chiroyli harakat bilan sochini orqasiga tashlab yubordi. — Oʻ. Hoshimov, Qalbingga quloq sol

Chol keksalarga xos boqish bilan bir zum tikildi: — Kel, chirogʻim, nima xizmat? — Oybek, Tanlangan asarlar

2. Biror shaxsning oʻzigagina tegishli boʻlgan, oʻzigina foydalanadigan; shaxsiy.

Oq otliq Bobur mirzo yuzdan ortiq beklari va xos navkarlari bilan togʻ etagiga yaqinlashib qolgan edi. — P. Qodirov, Yulduzli tunlar

1. Soʻroq gap oldida kelib, “aytingchi”, javob bering-chi, tushuntirib bering-chi kabi maʼnolarni ifodalaydi.

[Homid:] Xoʻsh, Sodiq polvon, ishlar qanaqa, Toshkentda nima gaplar bor? — A. Qodiriy, Oʻtgan kunlar

2. Qistash maʼnosini ifodalaydi.

Hech kim boshlamadi. — Xoʻsh, gapiringlar, — dedi Boʻtaboy. — A. Qahhor, Qoʻshchinor chiroqlari

3. Nutq jarayonida topilmay qolgan soʻz oʻrnida yoki pauza oʻrnida qoʻllanadi.

Xoʻsh desangiz, Bagʻdod shahrida Abutanbal degan bir yalqov yigit oʻz onasi bilan yashar ekan. — Gʻ. Gʻulom, Tirilgan murda

ot Muayyan narsaning boshqa narsalardan farqini, oʻziga xosligini bildiruvchi belgilar.

Biologik membranalarning yana bir noyob xossasi — ionlarni termodinamik usulda tashishdir. — Fan va turmush

ot Biror narsaga xos boʻlishlik.

Bu gʻayritabiiylikni Zulfiqor bilan Zavrak qiz feʼlidagi oʻziga xoslik deb tushunishardi. — Mirmuhsin, Meʼmor

ot 1. Ijobiy xususiyat, yaxshi fazilat, xislat.

Mehnatda bor koʻp xosiyat, sharofat. Bel bogʻlasa mehnatga kim, azizdir. — Habibiy

— Rost, bu kelinning husnidan ham boshqa yana tagʻin bir alohida xosiyati borga oʻxshaydir, — deb kular edi [Oʻzbek oyim]. — A. Qodiriy, Oʻtgan kunlar

2. Xosiyat (xotin-qizlar ismi).

ot 1. Katta mansab egalari yoki hukumat boshligʻi turadigan joy, saroy; rezidensiya.

Gilam ustiga xontaxta qoʻyilib, dasturxon yozilgan, shiypon toʻridagi eshikdan kiriladigan xosxona esa butun bir garnitur, anvoyi jihozlar bilan bezatilgan edi. — H. Gʻulom, Senga intilaman

2. Biror shaxsning oʻziga tegishli boʻlgan, oʻzigina foydalanadigan uy, xona.

[Tabibiy va Avaz] Qancha yillardan beri dilga tutash oʻsha qadrdon xosxonaga kirdilar. — S. Siyoyev, Avaz

Zubaydaning xosxonasi. Tokchalarga mis koʻza piyolalar tartib bilan terib qoʻyilibdi. — K. Yashin, Hamza