Qidiruv

sft. 1. Hisoblash, yozish, oʻqish, soʻzlash va shu kabilarda adashish, yanglishish, notoʻgʻrilik, qusur.

Imloviy xato. Matematik xato.

2. Umuman, turmushda, ishda yoʻl qoʻyilgan kamchilik, nuqson, notoʻgʻri xatti-harakat.

Dushman siringni oʻgʻirlaydi, Doʻst xatongni toʻgʻrilaydi. — Maqol

Ammo muhabbat juda noyob narsa, bu yoʻldagi xatoni hech kechirib boʻlmaydi! — Mirmuhsin, Umid

3. Haqiqatga toʻgʻri kelmaydigan, asossiz, notoʻgʻri.

Xato yozmoq. Xato hisoblamoq. Xato soʻzlamoq.

Joʻrttaga xato oʻqib, oʻzing kuldirding Oʻqi, Raʼno. — A. Qodiriy, Mehrobdan chayon

4. q.x. Yerdan chiqmay yoki unmay qolgan urugʻ haqida.

Yaxshi ishlanmagan yerga ekilgan urugʻ xato chiqadi.

5. Moʻljalga, nishonga tegmaslik.

Oʻq xato ketdi.

Hech qaysisining otgani xato ketmas edi, hech bir dushman omon ketmas edi. — Alpomish

sft. Xatosi bor.

ot Xato ish, xatti-harakat; yanglishuv.

Yoki mendan bir xatolik oʻtdimi — Gulshanbogʻ

Doimiy xatoliklarning uchrashi oʻlchov asboblari bilan bogʻliq. — OʻzME

sft. 1. Xato qilmagan holda, toʻgʻri; bexato; toʻla-toʻkis.

Xatosiz yozmoq. Xatosiz soʻzlamoq.

Gʻoʻzani xatosiz undirib olish Qurbonali polvon zvenosida odat hukmiga kirib qoldi. — N. Safarov, Qurbonali

2. Oʻqni zoye ketkazmay, aniq nishonga olib.

Oʻqni xatosiz otmoq. Xatosiz mergan boʻlmas. — Maqol

1. Xatolardan xoli boʻlgan, yanglish yeri yoʻq, xatosiz.

Bexato matn. Bexato gap. Bexato yozmoq.

Banda bexato boʻlmas, boyvachcha, bexabar xonadoningizga kirib qolibman! — A. Qodiriy, Kichik asarlar

Bu oʻqi ham bexato borib, ajdarning koʻziga tegdi. — Bulbuligoʻyo

2. koʻchma. Toʻliq, birdek, bir tekisda.

Anorxonning gʻoʻzasi tamoman bexato unib chiqdi. — Oybek, Oltin vodiydan shabadalar