1. тасдиқ юкл. Бирор ишга розилик маъносини ифодалайди; майли, майлига.
[Отабек:] Раҳмат, ота, бўлмаса, бизга чой қайнатиб беринг-чи! [Ҳасанали:] Хўп, бегим. — А. Қодирий, Ўтган кунлар
Хўп, розиман бу даргоҳдан кетмоққа — Ҳ. Олимжон
2. рвш. Ниҳоят даражада; роса; жуда.
Болалар хўп ўйнашди. Хўп яхши иш бўлди-да.
— Невараларингизга қараб хўп қувонасиз-да, ойи, — деди Комилжон кулиб. — С. Зуннунова, Ҳикоялар
3. Диққат, эътибор билан, яхшилаб; жуда яхши.
[Жоной:] Ундай бўлса, менга бир оз муҳлат бер. Мен Мадаминнинг гапларига хўп қулоқ солиб, мақсадини билай. — П. Турсун, Ўқитувчи
Сўзни танлаб сўзлаганлар — хўп билур сўз қадрини. — С. Абдулла
- Хўп бўлади Жуда соз, маъқул. — Хўп бўлади,— дедим-у ўрнимдан турдим. Э. Раимов, Ажаб қишлоқ. Хўп демоқ Унамоқ, кўнмоқ, рози бўлмоқ.[Ҳайитжон Тўлахонга:] Сенга нима бўлди, қизим! Боя хўп деганингда, шунчалик беюзчиликлар бўлмас эди. — Ҳамза, Паранжи сирлари
- Хўп бўпти