Қидирув

от 1. Бирор шахс, ташкилот ёки давлат ихтиёридаги қимматбаҳо буюмлар; маблағ; бойлик; давлат.

Мирзакаримбойнинг хазинаси Гулнорники. — Ойбек, Танланган асарлар

Темур Осиёнинг ҳамма қисмидан ҳадсиз-ҳисобсиз хазина йиғди, лекин уларни хасис одамлар каби сақламади. — Фан ва турмуш

2. ҳуқ. Ер остига кўмилган ёки бошқа усул билан яшириб қўйилган, эгасини аниқлаш қийин бўлган пул ёки қимматбаҳо буюмлар (булар топилса, давлат мулкига ўтади ва уни топган киши тегишли тартибда мукофот олади).

3. Давлат пули, қимматбаҳо нарсалари, умуман, бойлиги сақланадиган жой.

[Ҳусайн:] Хазинамда ҳар қанча зар, ҳар қанча ақча бўлса, юртнинг ободонлиги учун сарф этишга ваъда бераман. — Уйғун ва И. Султон, Алишер Навоий

4. Олтин, кумуш каби қимматбаҳо нарсалар кўмилган, яширилган жой, дафина.

Ёʻл қувлаган хазинага ёʻлиқар, Гап қувлаган бир балога ёʻлиқар. — Мақол

Шербек бу нуроний чолнинг кимлигини билиб, хазина топган кишидай суюниб кетди. — С. Анорбоев, Оқсой

5. Марказлашган давлатларда уларнинг молиявий захиралари мажмуи.

Хазина билетлари.

6. Ер ёки табиат бойликлари, табиий бойлик.

Ер — хазина, сув — олтин. — Мақол

Ўзбекистон ери — кони хазина, Халқи — олим, деҳқон камтар камина. — Ҳабибий

Ватанимизнинг тупроғи — олтин, тоғ-у адирлари, чўл-у саҳролари — туганмас хазина. — С. Зоҳидов, Тоғлар бош эгмоқда

7. кўчма Маданий ва маънавий бойликлар, дурдона асарлар мажмуи.

Роман [Сароб] 20 йил давомида адабиётнинг бебаҳо хазинасидан олиб ташланди. — Газетадан

Донолар таърифича, китоб — билим манбаи, инсоният тўплаган ҳикматлар хазинаси. — М. Жўра, Ноширнома

от 1. кт. айн. Хазиначи 1.

[Улуғбек:] Саркардаларга айтинг, шаҳар таланмасин! Хазинага кирилмасин, хазинабоннинг ўзи бунда [бу ерга] келсин! — Мирмуҳсин, Меъмор

2. кўчма Табиат бойлигини топиб, уни халқ иродасига бўйсундирувчи киши.

Олмалиқ — бағри бойликларга тўлиқ. Бу бойликнинг хазинабони ва фармонбардори оддий, содда кишиларимиздир. — Газетадан

от 1. тар. Ҳукмдор ва бошлиқларнинг хазинасини ва бошқа моддий бойликларини сақловчи, бошқарувчи шахс; хазина бошлиғи.

Хазиначилар сипоҳлар орқасидан икки отни етаклашиб, ҳудайчи ёнига етдилар. — А. Қодирий, Ўтган кунлар

Қорахонийлар давлатида хазиначи масъулиятли лавозимлардан бири саналиб, ағичи атамаси билан ифодаланган. — Ўзме

2. Корхона ва ташкилотларда пул сақловчи ва тарқатувчи кассир.

от айн. Хазиначи.

Мулла Обиднинг хазинадори сифатида ақчани ўзи ушлаб, рўзғор керак-яроқларини ҳам ўзи тўғрилаб туради. — А. Қодирий, Обид кетмон

Сарой вазири ҳам хазинадор ҳам сизга хайрихоҳ одамлар. — М. Осим, Ибн Сино қиссаси

от айн. Хазина 3.

Ҳамма ернинг эшиги очиқ, хазинахоналар ҳам очиқ, ичидаги яхши олмос ханжарлар ёʻқ. — Маликайи айёр