Qidiruv

ot Kishining oʻz xatti-harakati, qilmishi, yurish-turishi uchun odamlar, jamoatchilik oldidagi masʼuliyat hissi, insoniylikning asosiy belgilaridan biri; diyonat, insof.

Vijdonni asrangiz har nedan ortiq, yagona zaminni asragansimon. — A. Oripov

Bu odamgarchilikdan, vijdondan emas. Bu — pastlik. — P. Tursun, Oʻqituvchi

Nahotki ular gʻurur, oriyat, vijdon degan insoniylikning ulugʻ xislatlaridan yuz oʻgirishgan boʻlsa? — Gazetadan

rvsh. Vijdon bilan, vijdonli kishiga xos tarzda.

Vijdonan mehnat qilmoq. Ishdagi kamchiliklarni vijdonan ochib tashlamoq.

Xalqimizning eng muhim maʼnaviy-axloqiy fazilati oʻz ish joyida vijdonan va fidokorona mehnat qilishdan iboratdir. — Gazetadan

Ularning [hasharchilarning] koʻplari halol, vijdonan ter toʻkmoqdalar. — Gazetadan

sft. Vijdonga oid, vijdon taqozo etadigan.

Vijdoniy azob. Vijdoniy vazifa. Vijdoniy ish.

[Elmurod:] oʻsha qamalda yotganlarni tezroq ozod qilishimiz kerak. Mana bu bizning insoniy va vijdoniy burchim iz, doʻstim! — P. Tursun, Oʻqituvchi

sft. Vijdonan ish tutadigan, vijdoni bor, insofli, diyonatli.

Sof vijdonli kishilar.

[Elmurod] Gulsum, Davlatyor kabi vijdonli odamlarning hayotlari yorugʻ va oʻzlari chinakam baxtiyor boʻlmoqlari uchun qanday choralar bor, deb oʻylaydigan boʻldi. — P. Tursun, Oʻqituvchi

asar odamlarni toʻgʻrilikka, halol va vijdonli boʻlishga oʻrgatadi. — N. Safarov, Olovli izlar

sft. Vijdonan ish tutmaydigan; vijdoni yoʻq, diyonatini yutgan.

Vijdonsiz, vafosiz u ona hali bu goʻdakning tirnogʻiga ham zor boʻladi. — M. Aliyev, Shonli avlod

Otabek hissiyotini bosolmadi — [Homidni] vijdonsiz toʻngʻiz dedi-da, ixtiyorsiz oʻrnidan turib ketdi. — A. Qodiriy, Oʻtgan kunlar

ot Vijdonli boʻlish odati.