ot 1. Biror kishi, muassasa, tashkilot va shu kabilar nomidan ish koʻrishga vakolati boʻlgan, uning manfaatlarini koʻzlovchi va himoya qiluvchi shaxs.
Ikki vakil u mulladan keladi, Kelib qizning ixtiyorin soʻradi. — Alpomish
Bir ozdan soʻng yuqoridan kelgan vakil bilan trest boshligʻi oʻzlarining ishlaridan gap ochdi. — S. Siyoyev, Yorugʻlik
Olim jamiyatning bir necha vakillari bilan Vengriyaga boradi. — Fan va turmush
2. Biror davlat yoki tashkilotning vakolati bilan oʻzga ellarda uning nomidan ish koʻruvchi, uning manfaatlarini himoya qiluvchi lavozimli kishi, elchi.
Diplomatik vakil. Muxtor vakil.
Men Zakaspiy hukumatining vakili Azizbek boʻlaman. — K. Yashin, Hamza
3. Biror soha, ijtimoiy guruh, jamiyat va shu kabilarga mansub kishi; namoyanda.
Respublikamizning har bir soha vakili 10 yillikni mehnatda ajoyib yutuqlar bilan kutib olmoqda. — Gazetadan
Davrada bir mahalla kishilari, ammo turli fan vakillari toʻplangan edi. — Fan va turmush
- Vakil ota Musulmonlarning nikoh marosimlarida kelin tomonidan tayinlanadigan vakil shaxs (nikoh oʻqish, kuyov tomonning kelinga beriladigan mol-mulki va shu kabilarni kelishishda qatnashadi).