Қидирув

фл. 1. Улғайиб балоғатга (балоғат ёшига) етмоқ.

Вояга етган қиз.

Маълумки, сўнгги йилларда ичкилик-бозлик ва гиёҳвандлик вояга етмаган болалар ўртасида ҳам кенг тарқатмоқда. — Газетадан

2. Умуман, ёш ва бошқа жиҳатдан етук (етилган) даражага эришмоқ.

— Мен шундай табаррук, фидокор инсонни туғиб вояга етказган онани албатта кўришим керак, — деди меҳмон. — Назармат

Мадатов оиласида 8 фарзанд туғилиб вояга етди. — Назармат, Жўрлар баланд сайрайди

3. Маълум бир иш, фаолиятда етукликка, камолотга эришмоқ.

оқсоқол ёзувчилар қурултойга ўз кўз қорачиқларидек ардоқлаб вояга етказган ўнлаб талантли шогирдларини эргаштириб келдилар. — Н. Сафаров, Оловли излар

4. Униб, ўсиб етилмоқ.

Даромадни егани-ку еган, вояга етган мева дарахтларини кесиб кетаётгани нимаси? — Муштум

ташлаган данаклар кўкариб, вояга етиб, ҳосилга ҳам кирибди. — С. Анорбоев, Ёʻлда ёʻлдош бўлганлар

фл. Вояга етмоқ феълининг биргалик нисбати.

фл. Вояга етмоқ феълининг орттирма нисбати.

фл. Вояга етказмоқ феълининг мажҳул нисбати.

фл. Вояга етказмоқ феълининг биргалик нисбати.

от 1. Авлоддан авлодга ўтиб келаётган, воқеа ва ҳодисаларни, инсон фаолиятини баъзан уйдирмалар воситасида, баъзан реал тасвирловчи оғзаки ҳикоя; нақл, афсона.

Мавлоно Лутфий каби кекса шоир ҳали гўдак Навоийнинг ўзбек тилидаги бир байти учун ўзининг жамики ғазалларидан воз кечишга тайёр эканини билдирган экан. Бу ривоятга не дейсиз? — Ойбек, Навоий

Баъзи ривоятларга қараганда фаришталар, жаннатдаги Кавсар сувидан қумғонларимизга қуйиб кетар эмиш! — М. Муҳаммаджонов, Турмуш уринишлари

Денгиз, кўҳна ривоятлардан Биттасини сўйлаб бер менга. — Э. Воҳидов, Нидо

2. Умуман, оғиздаги гап, ҳикоя.

Ривоят қилишларича, Деҳлида шоҳ Акбар ҳукмронлик қилган замонда бир савдогар яшар экан. — Газетадан

Ривоятларга қараганда, баъзи бир иссиқ мамлакатларнинг одамлари ҳароратдан дармонлари қуриб кун кечирганлар. — Газетадан

3. кўчма дин. Бирор масала юзасидан шариат қонунлари асосида чиқарилган ҳукм, хулоса.

[Ғофир қозига:] Бу қандай зулм севган хотинимни золим бой тортиб олмоқчи бўлса-ю, менга ёрдам бериш ўрнига бойнинг ёнини оласиз! Ривоятлар топасиз! Фатволар ясайсиз! — Ҳамза, Бой ила хизматчи

Уламолар Ёдгор ва унга эргашиб келган хотинни тош-бўрон қилиш тўғрисида ривоят ёзиб, эшон Султонга бердилар. — С. Айний, Доҳунда