1.
Virtual, yaʼni haqiqatan mavjud boʻlmagan yoki mavjud boʻlib undan boshqacha qabul qilinadigan muhit. “Virtual voqelik” tushunchasi kompyuter vositalari yordamida yaratilgan dunyoni bildiradi. U haqiqatan mavjud boʻlmaydi, biroq kompyuter insonning koʻrish, eshitish va boshqa hissiyot organlariga taʼsir qilib, ushbu dunyodan foydalanish illyuziyasini keltirib chiqaradi. Bundan tashqari, inson ushbu dunyoda roʻy berayotgan voqealarga oʻz taʼsirini oʻtkazishi mumkinligi voqeiylik hissini kuchaytiradi. Virtual voqelikdan foydalanishning oddiy misoli bu kompyuter oʻyinidir.английскийvirtual realityрусскийвиртуальная реальность
2.
Kuzatuvchini ekran orqasidagi tasavvur qilinayotgan dunyoga olib kiruvchi koʻrish va eshitishni taʼminlovchi kompyuter tizimlari. Foydalanuvchi atrofida kompyuterlar tomonidan yaratilgan voqelik hissini beruvchi tasavvur va tovushlar paydo boʻladi. Foydalanuvchi sunʼiy dunyo bilan uning harakatlari va tuygʻularini hamda audiovizual effektlarini bogʻlovchi shlem va qoʻlqop kabi turli sensorlar orqali muloqotda boʻladi. Virtual voqelik sohasidagi kelgusi tadqiqotlar kuzatilayotgan narsalarning haqqoniyligi tuygʻusini kuchaytirishga qaratilgan.
3.
Axboriy oʻzaro taʼsir qilishning yangi texnologiyasi. U murakkab multimedia-amaliy muhitlar yordamida voqeiy vaqtda boʻrttirilgan tarzda aks ettirilgan “ekran dunyosidan” bevosita foydalanish va unda boʻlish illyuziyasini yaratadi. Bu foydalanuvchi tasavvurida yaratiladigan mavhum dunyodir.
