Qidiruv

ot 1. Magʻrurona va ulugʻvor koʻrinish; salobat.

Vodiydan oʻtardi daryoyi azim, Vazmin oqishida salobat, viqor. — S. Abduqahhor

Qorday yarqiroq yangi salla oʻragan maxdum viqor bilan yoʻtalib, mehmonxonaga kirdi. — H. Gʻulom, Mashʼal

2. Magʻrurlik tuygʻusi, magʻrurlik, gʻurur.

Qiyofasidan gʻoliblik viqori va magʻlub boʻlganga shafqat aks etib turardi. — S. Anorboyev, Oqsoy

Oynaning ostida, muzey toʻrida Shishada turadi bir siqim tuproq Uni koʻrganlarning koʻksi togʻ boʻlib, Koʻzida tengi yoʻq viqor yonadi. — Shuhrat

sft. Magʻrur, ulugʻvor holatli, magʻrurlik va ulugʻvorlik ifodasiga ega.

Fargʻona, Qoʻqon shaharlarining viqorli qiyofasi, Samarqandning qadimiy obidalari va, nihoyat, Oʻzbekiston poytaxti Toshkentning chiroyi, ulugʻvorligi meni maftun etdi. — Gazetadan

Uning yuzi viqorli tus oldi. — S. Anorboyev

Allaqanday tanish basharalar koʻz oldiga keldi: biri viqorli, boshqasi nozli. — S. Anorboyev, Oqsoy

sft. kt. Viqorli, serviqor.

Ustiga-ustak zaminning — purviqor, ulugʻvor togʻlar oʻlkasining tabiati, oppoq koʻpirib oqayotgan daryoning shovullashi mening ruhiyatimga poʻrtanalar, toshqinlar olib keladi. — Gazetadan

Boʻydor qaragʻaylar kuchli qoʻllarini yorugʻlikka choʻzganday yana ham azamat va purviqor koʻrindilar. — Oybek, Quyosh qoraymas

Togʻlarning purviqor salobati, sirli ulugʻvorligidan hayrat, hayajonim hapriqib ketdi. — Saodat

sft. Gʻoyat viqorli; koʻrkam, salobatli.

Serviqor qoya. Serviqor togʻlar.

Hovlilarga kiraverishdagi katta va serviqor darvozalarni aytmaysizmi. — Mirmuhsin, Umid

Oʻngda bahaybat va serviqor Boboshota choʻqqisi koʻzga tashlanadi. — Gazetadan