Қидирув

от 1. Мевали дарахтнинг бир йилда иккинчи бор берган меваси.

Дуварак олма. Олманинг дувараги.

Бир йиллик новдаларда етилаётган узум бошлари билан бир қаторда бачки новдаларда дуварак пайдо бўлиши мумкин. — Фан ва турмуш

Баъзи шохларда бултур чала терилган мевалар —

дуварак олхўрини эслатувчи зайтунлар қуриб ётарди. — Ҳ. Ғулом, Замин юлдузлари

2. кўчма Бўйи паст, пачақ (одам ҳақида).

Дуварак одамлар.

Ёʻлдош пўчтачининг дуварак қизича ҳам бўлолмайсан, сендан ёш, лекин ўн ҳисса кўп ишлайди. — Ёшлик

3. кўчма Хом, ғўр; тажрибасиз.

Келганига бир йил, ярим йил бўлиб қолганлар бор., дуварак бўлса ҳам, пулни пуфлаб тугадиганлар — буларни оз-моз пул билан рағбатлантириш мумкин. — А. Мухтор, Туғилиш

4. Умуман, хар нарсанинг кичкинаси, етилмагани.

Поезд мени кичкинагина, номи ҳали темир ёʻл хариталарига кирмаган дуварак бир разездга ташлаб ўтиб кетди. — С. Аҳмад, Қадрдон далалар

— Авраб ҳам бўшайди бу дуваракларни, — арз қилди Убайда хола хит бўлиб. — Ш. Тошматов, Тонгдаги кўланка.

от зоол. Қора ёки тўқ қўнғир рангли, узун қилсимон мўйловли, ер юзида кенг тарқалган кемирувчи ҳашарот; таракан.

Ўзбекистонда суваракларнинг 30 га яқин тури, жумладан, хонадонларда 2 тури (сариқ суварак ва қора суварак) тарқалган. — Ўзме

Бунақа кимсалар пана-пастқам ерларда кўзга ташланмай, ивирсиб юришаверади-да, бир пайт қарабсизки, суваракдек лоп этиб ёруғликка чиқиб олишади. — Н. Аминов, Ёлғончи фаришталар

от 1. Кузатувчи, сўзловчига ёки бошқа шахс, нарсага нисбатан ҳамма ёқ, томон, жой, атроф.

Теваракка кўз югуртирар экан, Олимовнинг ҳам пешонаси тиришиб кетди. — Ҳ. Назир, Сўнмас чақмоқлар

Яна теваракдан одамлар тўхтовсиз равишда бу ерга келмоқда эди. — Ойбек, Танланган асарлар

Сувонжон теваракни қоплаб олган қоронғиликка қўрқинч тўла кўзлари билан тикилар, бутун вужуди билан ўз нидосига бирор жавоб кутарди. — С. Анорбоев, Оқсой

2. Бирор нарсанинг гир атрофи, айланаси.

Ҳовузнинг теварагида тераклар ўсган.

Ўзининг тевараги текис қилиб қирқилган қора соқол ва чиройли мўйлови билан замонасининг қорни катта бойларига сира ўхшамаган Тешабой ҳам одамлар назаридан четда эмас эди. — М. Исмоилий, Фарғона тонг отгунча

Хилма-хил ёввойи гуллар теварагида ранг-баранг капалаклар базм қуради, асаларилар ғувуллайди. — Ж. Абдуллахонов, Орият

3. кўчма Бирор шахс, гуруҳ, куч ва шу кабиларнинг бирлаштирувчи доираси, атрофи.

У [Қудрат] ўз теварагига Ғуломжон, Замон, Барот полвон сингари ёру дўстларини йиғиб, уларнинг ёрдам ва мададлари билан қишлоқ мазлумларининг ҳақ ва ҳуқуқларини қўлидан келганича ҳимоя қилиб, уларга балогардон бўлиб келади. — М. Исмоилий, Фарғона тонг отгунча

4. Атрофида бўлган, атрофидаги.

Ёлғиз Тиктепа қишлоғидагина эмас, теварак қишлоқларда ҳам мулла Обиднинг эртаги экиндаги муваффақияти оғиздан оғизга юриб кетди. — А. Қодирий, Обид кетмон

Теварак боғларда тўлади япроқ, Меҳнаткаш дарахтлар тиклайди қаддин. — Шукрулло, Жавоҳирлар сандиғи

5. кум. взф. кам қўлл. Атрофида.

Ваҳима ва таҳликали ҳолга қирқ ёш теварагида тушганидан далолат беради. — Газетадан

от айн. Варрак.

Чучмомали тепанинг кўм-кўк бошида Бир тўда шўх болалар — тўзимсиз юрак, Кулгисидан осмоннинг жоми жаранглар, Тентак шамол ёʻлини пойлар варварак. — Ғ. Ғулом

айн. Бирваракайига.

фл. с.т. кам қўлл. Атроф-лаб, ҳар томондан ўраб олмоқ; қуршамоқ.

Кўзини очсанг, шунча халқни кўрар, тевараклаб турган жаллод — мирғазабни кўрар. — Равшан