Xalqaro axborot xizmatlarini koʻrsatuvchi katta kompaniya. AQSHda 1986 yilda Burroughs va Sperry Univac kompaniyalarining birlashishi tufayli yaratilgan. Unisys taxminan 100ta mamlakatda faoliyat koʻrsatadi. Oʻz ishida u banklar, aviakompaniyalar, aloqa korxonalari, davlat idoralari va tijorat korxonalari uchun ochiq tizimlar ishlatishga asoslanadi. Unisysning asosiy faoliyat sohalariga bosh kompyuterlar, serverlar, shaxsiy kompyuterlar, UNIX operatsion tizimlari, amaliy dasturlar ishlab chiqish, axborotni saqlash joylarini yaratish kiradi.