rvsh. 1. Bekam-koʻst, toʻla holda; batamom.
Nizomjon Yuragida toʻlib-toshgan gaplarni uzil-kesil toʻkib solmoqchi boʻlib, qizni izlab, yana dalaga qarab ketdi. — S. Ahmad, Ufq
Hali biz qipchoq elidan uzil-kesil qutulganimiz yoʻq. — A. Qodiriy, Utgan kunlar
Muayyan sohaga oid muammolar, jumboqlar shu sohaning koʻpchilik olimlari hamkorligidagina toʻla va uzil-kesil hal etilishi mumkin. — Fan va turmush
2. Qaror holiga kelgan, qatʼiy.
Uzil-kesil javobimizni oʻn kundan soʻng xabar qilamiz. — O. Moʻminov, Xiyobondagi uch uchrashuv
Nihoyat, Rahmatulla xayoliy rejalardan charchab, uzil-kesil qarorga keldi. — Yoshlik