Qidiruv

sft. 1. Nur, yogʻdu beradigan; yogʻduli.

Nurli quyosh. Nurli energiya (fizika).

2. koʻchma Yorugʻ, ravshan, porloq.

Dadang urushda gʻolib boʻlib, omon-eson qaytsin. Bu nurli kunlarni koʻrib yayrasin. — Oydin, Hikoyalar

sft. 1. Belgi-xususiyati, holati, joylashish oʻrni va boshqalar jihatlari bilan oʻzaro farqlanadigan, har xil turga mansub boʻlgan, har xil.

Turli xalq vakillari. Turli tilda soʻzlashuvchi kishilar. Turli ovozlar. Turli kitoblar. Turli taomlar. Turli mamlakat vakillari. Turli sohalar.

Boyvachcha oʻzining fargʻonalik doʻstlari bilan boʻlgan oʻtirishlaridan, har turli ziyofatlardan soʻzladi. — Oybek, Tanlangan asarlar

Mamlakatimizning turli iqlimiy zonalarida oʻsuvchi oʻsimliklar turli vaqtlarda gullaydi. — Fan va turmush

2. kam qoʻll. Kabi, singari, oʻxshash, yangligʻ.

Ilon tilli, yashin turli xanjarni, Obroʻ ber, deb xipcha belga bogʻladi. — Ravshan

ot Dengiz va daryo qirgʻoqlarida turib, kemalarni arqon yordamida sudrab yurgizuvchi yollanma dehqonlar.

Burloqlarning chehrasi sargʻish, Arqon sudrar, qalbi toʻla roz — Yo. Mirzo, Oʻgʻil mehri

Balki jonlanardi qanchalar tilak. Balki burloqlarning ohi solar iz. — Mirmuhsin

ot Hur, erkin holat; shunday holatga egalik.

Tinchligim — hurligim. — Qanotli soʻzlar

Qullikni sezmagan hurlik qadriga yeta olurmu?! — Hamza

Suqlik bilan qarasa, hech ajab emas, Chunki sen hurlikning yorqin timsoli. — Zulfiya

Na zulmat, na boʻron, na ofat, na oʻt Toʻsolmas haqiqat, hurlik yoʻlini. — Uygʻun

ot Bezbetlik, surbetlik; shilqimlik.

Surlik xoʻrlik keltirar. — Maqol

sft. 1. Gʻururlanish hissi kuchli, gʻururi baland.

Gʻururli yigit.

2. Kibr-havoli; takabbur.

Ahmad maxdum aslida kibrli va gʻururli odam. — S. Ayniy, Esdaliklar