Поиск

olm. 1. Ozroq miqdorda; bir oz, sal-pal.

Qizi tushmagurning tili uncha-muncha allaga ham kelib qoldi. — H. Gʻulom, Mashʼal

Qarasa boʻlmaydigan, uchastka qurish vaqtida uncha-muncha chiqimdor boʻlib qolibdi. — Mushtum

Xoliqova uncha-muncha yuridik maʼlumotga ega. — M. Ibrohimov, Yoʻlakdagi muhabbat

Oʻzi ham uncha-muncha narsa yigʻib qoʻygan. — S. Nurov, Narvon

2. Oʻrta darajadagi; oddiy, joʻn.

Siz uncha-muncha odamning ishini oydinda oyogʻingiz bilan qilib qoʻyasiz. — P. Qodirov, Uch ildiz

[Oʻtbosar:] Uncha-muncha mashinachilarni nazarimga ilmay, bir kun shaharning eng mashhur tikuvchilaridan biriga bordim. — Gʻayratiy, Epchil kuyov

olm. 1. Bu qadar, bunchalik, shunchalik.

Buncha kech qoldingiz.

O, buncha dardkashsan, ona sayyora. — A. Oripov, Yillar armoni

Oqqa buncha belanibdi u odam. — H. Olimjon

2. belg. olm. Shu miqdorda; shu miqdordagi.

Buncha gapni qayerdan topib yozdingiz? — A. Qahhor, Oltin yulduz

Buncha xotin, buncha bola-chaqa qayerga sigʻadi? — Oybek, Tanlangan asarlar

Kelish-ketishingdan ne edi matlab, Ne uchun boshimga solding buncha gʻam. — A. Oripov, Yillar armoni

ot 1. Hali ochilmagan, gulbarglari hali yozilmagan gul; oʻsimlikning gul kurtagi.

Kechqurun [bulbul] gul gʻunchasini koʻradi-yu, ishqida oshigʻ-u shaydo boʻlib sayray beradi. — P. Tursun, Oʻqituvchi

Qirlardan esayotgan mayin shabada ana shu gullarning gʻunchalarini yozmoqda. — I. Rahim, Chin muhabbat

Gʻuncha ochilguncha oʻtgan fursatni Kapalak umriga qiyos etgulik. — Gʻ. Gʻulom

2. koʻchma Biror hodisaning endigina boshlanayotgan payti, boshlanishi.

Shubha ichida qizargan muhabbat gʻunchasi visol xabari bilan ochilayozgandek edi. — A. Qodiriy, Mehrobdan chayon

Murabbiy bola qalbida nish ura boshlagan umid gʻunchalarining mehribon sohibidir. — R. Usmonov, Odobnoma

ot 1. Hasad, koʻrolmaslik hissi kuchli; hasadchi.

Taqdiringdan nolima, haqni dildan qoʻymagin, Uzganing davlatiga suqlanib, boʻlma kunchi. — Mirtemir

2. Rashk, qizgʻanish hissi kuchli; rashkchi.

Majdiddin kunchi erlardan boʻlsa ham, lekin bu xabar uni juda quvontirdi. — Oybek, Navoiy

Soraxon nihoyat kunchi xotin edi. — A. Qahhor, Sarob

olm. 1. s.t. Buncha, shunchalik, bu darajada, bu miqdorda.

Muncha ham chiroylisan, aziz Vatanim. — Gʻ. Gʻulom

2. und. s. vzf. Harakatning haddan oshiqligini, ortiq hayajon, taʼsirlanganlikni va shu kabilarni bildiradi.

[Xotini eriga:] Ha, muncha! Turtmasdan gapira bering. — A. Qahhor, Anor

ot shv. ayn. Kulgili 2.

Agar tasavvur qilganida, hozirgidek kulunch ahvolga tushib qolishini koʻrardi-yu, allaqachon oʻtakasi yorilib oʻlardi [mingboshi]. — M. Ismoiliy, Fargʻona tong otguncha