Qidiruv

ot 1. Bir ota-ona oʻgʻillaridan kichigi (katta yoshdagi farzandlarga nisbatan).

Ukasi har gal uydan chiqib ketayotganida, koʻngli allanechuk boʻlib ketar, kimdir bir ogʻiz iliq gap aytsa, qaytib kelgudek boʻlar edi. — S. Ahmad, Ufq

Oʻshanda Sherali oʻn birdan oʻn ikkiga qadam qoʻygan, ukasi Muhammadjon uch yoshli dardchil bola edi. — S. Karomatov, Oltin qum

2. Umuman, farzandlarning kichigi, kichiklari (kattasiga nisbatan).

Qizaloqlar onasining qoʻlidan qozon-tovoq, sidir-supur, tikish-ilishni olishadi, ukalarini oʻynatishadi. — S. Nurov, Maysalarni ayoz urmaydi

U otasidan yigirma yoshda qolib, ukalarini qiyinchilik bilan boqqan. — I. Rahim, Chin muhabbat

3. Oʻzidan yosh er kishiga murojaatni bildiradi.

Qayerdan kelgansiz, uka? — P. Tursun, Oʻqituvchi

[Safar boʻzchi:] Axir birovni uka, birovni aka deb, siz ham tuzukroq ishga qayishing-da, taqsir. — A. Qodiriy, Mehrobdan chayon

ot Yapaloqqushlar urugʻidan boʻlgan yirik yirtqich tun qushi.

Boyoʻgʻlilarning eng katta vakili ukki hisoblanadi. — Fan va turmush

ot Badanga, teri ostiga, tomirga shpris vositasida suyuq dori yuborish.

Ukol qilmoq.

Ukoldan keyin Xosiyat, garchi koʻzini ochmasa ham, lekin ravon nafas ola boshladi. — Oʻ. Usmonov, Sirli sohil

Isitmam baland edi. Ustma-ust ukoldan ancha pasaydi. — R. Azizxoʻjayev, Ya shil chayla

Stol ustida shpris qutisi ochiq turar va dori hidi anqirdi — vrach ukol qilib, uni bir oz oʻziga keltirgandi. — P. Qodirov, Uch ildiz

ot 1. iqt. Muayyan ijtimoiy-iqtisodiy formatsiyaning asosiy xoʻjalik shakli.

Masalani bu taxlitda qoʻyish Germaniya bitta ijtimoiy-iqtisodiy ukladga ega yaxlit davlat boʻlib turgan vaqtda oʻrinli boʻlur edi. — Gazetadan

2. Ijtimoiy hayotning, turmushning biror sohasida barqarorlashgan yoki joriy qilin(adi)gan tartib.

Kishilarimiz turmushining butun ukladi, ularning maishati va dunyoqarashining oʻzgarganligi — Gazetadan

ot 1. Ukki pati (odatda bolalar kiyimlari, asosan, bosh kiyimini bezatish uchun unga chatib qoʻyiladi).

Aksar xotinlarning oldi-orqasi toʻla katta-kichik, yasangan-tusangan, ukpar taqqan bolalar. — Oybek, Tanlangan asarlar

2. koʻchma Ukpardek mayin va yengil narsaga nisbatan qoʻllanadi.

Borar edik soy aro, — Tulki, — dedi bolalar, Sudratib ukpar dumin Tulki koʻzdan yoʻqolar. — Q. Muhammadiy

Meni ukpar qanotida olib yurar oʻylarim. — E. Vohidov

ot Soyabongullilar oilasiga mansub bir yillik, baʼzan ikki yillik xushboʻy oʻtsimon oʻsimlik; shivit; oshkoʻklardan biri.

Malik aka bozordan kashnich, ukrop, koʻk piyoz sotib olmaydi. — Mushtum

Bu suyuq osh yuziga mayda kertilgan ukrop, rayhon solib, kosalarda dasturxonga tortiladi. — Saodat