Поиск

Tiyinlar oilasiga mansub, boʻyni kalta, koʻzi katta, moʻynali kemiruvchi sutemizuvchi hayvon

Oʻzbekistonda uzun dumli (qiziz) sugʻur va koʻk sugʻuruchraydi — "UzME"

Sudda ishlaydigan Lapasov ikkita sugʻur tutib beringlar, deb qanaqa tiqilinch qil- — "Yoshlik"

1. ayn. Chuvur I.

Bir zumda eshik bolalar chugʻuriga toʻldi. M. Ismoiliy, Fargʻona t. — o.

2. taql. s. Baʼzi qushlarning baravar sayrashidan chiqadigan qorishiq ovozlarni ifodalaydi.

Qushlarning chugʻurini, buloqlar jilgʻasining shildiraganini eshitgandek boʻlardi. — S. Ahmad, Jimjitlik

ot Tabiiy ofatlar, turli baxtsiz hodisalar roʻy berishi natijasida koʻrilgan zararni qoplash uchun maqsadli pul jamgʻarmalarini tashkil etish va undan foydalanish bilan bogʻliq iqtisodiy munosabatlar tizimi.

Sugʻurta kompaniyasi. Sugʻurta polisi. Sugʻurta shartnomasi. Sugʻurta qoplamasi.

— Hukumatimizga rahmat. Shartnoma boʻyicha sugʻurta idorasidan pul oldim, — dedi shofyor yigit. — N. Safarov, Olovli izlar

Odamlarni, uy-joylarni, mol-hollarni sugʻurta qilib yuribmiz. — N. Aminov, Yolgʻonchi farishtalar

Pirimqul moliya — Mustafoning ukasi, Galatepada tomorqa soligʻi-yu sugʻurta pulini yigʻadi. — M. M. Doʻst, Galatepa qissalari

fl. 1. Oʻrnashgan joyidan kuch bilan tortib chiqarmoq.

Ildiz sugʻurmoq. Ombur bilan mix sugʻurmoq.

Tushida qora matoga oʻralgan kishi uning [cholning] sogʻ qolgan yagona jagʻ tishini sugʻurib olayotgan emish. — Yoshlik

Xolmatjon suvsizlikdan qorayib ketgan bir tup niholni sugʻurib olmoqchi edi — S. Ahmad, Ufq

Qassob qiyma kabobni sixdan sugʻurib olib, sabzidek tish-lab yerdi. — N. Aminov, Qahqaha

2. Tiqilgan, botgan joyidan chiqarib olmoq.

Moʻytanning keksa baliqchisi chorigʻini loydan zoʻrgʻa sugʻurib, qora tutun ichiga kirib ketdi. — A. Muxtor, Qoraqalpoq qissasi

3. Koʻchma Biror yerdan, toʻdadan, muhitdan ajratib, uzib olib ketmoq.

Popukday qizni issiq uyasidan sugʻurib, olib keldim. — Oybek, Ulugʻ yoʻl

4. Solib qoʻyilgan, joylangan yeridan chiqarmoq, chiqarib olmoq.

— Bermayman degin, hali shunaqami? — aravakash qaltirab turgan qoʻllari bilan paypaslanib, yonidan pichogʻini sugʻurdi. — X. Toʻxtaboyev, Yillar va yoʻllar

U qilichini gʻilofidan sugʻurib, osmonda yarqiratdi. — Mirmuhsin, Temur Malik

5. koʻchma Soʻrib, tortib olmoq; olib qoʻymoq.

Bezgakni hazil fahmlama. Kishi kuchini sugʻurib, shalpaytiradi. — Oybek, Oltin vodiydan shabadalar

6. Chiqarib yubormoq, tarqatmoq, yozmoq.

Uning badanidan ona tuproq intizorligi, jang-jadal suronlari hordigʻini sugʻurib olayotganday boʻldi. Shuhrat, — Shinelli yillar

ot Qora patli, hasharot va meva bilan oziqlanadigan, gala boʻlib yuradigan chumchuqsimon qush