fl. 1. Uchramoq feʼlining birgalik nisbati.
Ular darrov vrachga uchrashsin.
Boʻronbek bilan Komil Chirchiqdan oʻtayotganda, qizillar toʻsigʻiga uchrashibdi. — H. Gʻulom, Mashʼal
Eshikni Inobat ochdi. Alamli koʻzlar bir-birlari bilan uchrashdi. — X. Toʻxtaboyev, Felyetondan soʻng
2. Biror maqsad bilan huzurida boʻlmoq; uchramoq (
Yoʻlchi ertasiga Qoratoyga uchrashgani Shoqosimni yubormay, oʻzi ketdi. — Oybek, Tanlangan asarlar
Maʼqul, agar bu kun domlaga uchrashsam, javobini ertaga olaman, deyaymi? — A. Qodiriy, Mehrobdan chayon
3. Biror maqsad bilan oʻzaro muloqot qilmoq, koʻrishmoq.
Qalliqlar odamlarning koʻzidan yiroqda — yashiriqcha uchrashib yurar edilar. — P. Qodirov, Yulduzli tunlar
Ahmedov Saodatxonning rayono mudiri Vohidov bilan uchrashmoqchi boʻlganini eshitib, sal oʻzgarib qoldi. — S. Zunnunova, Yangi direktor