«Тушкун» бўйича 10 та натижа: Изоҳли
сфт. Сўниқ ҳис-туйғули, руҳи паст; сўниқ.
У бугун ҳам ҳовлимизга паришон ва тушкун бир ҳолатда кириб келди. — Ў. Ҳакимали, Навбаҳор
— Вақт ўтди, — деди ҳазрат тушкун бир овоз билан. — К. Яшин, Ҳамза
Жабборов, ундаги [Аҳмаджондаги] ўзгаришни одатда бир-бирига меҳрибон кишилар узоқ вақт ажралишаётганда бўладиган тушкун кайфиятнинг таъсири, деб билди. — А. Муқимов, Ғалати одамлар
от 1. Тушкун ҳолат.
Ичкилик тушкунликка олиб боради.
Калладаги қора хаёлларни ҳайдаш керак, тушкунлик — энг ёмон душман. — Ф. Мусажонов, Ҳиммат
Пўлатнинг кўзларидаги алам аралаш тушкунликни кўргач деди: — Хафа бўлма, Пўлат. — Ш. Рашидов, Қудратли тўлқин
2. Тарихий жараёнда ривожланиш эмас, аксинча, орқага, қуйига кетиш.
Иқтисодий тушкунлик.
Бой тарихга эга бўлган Ўзбекистон фани, муайян тарихий сабабларга кўра, бир неча аср давомида тушкунликни бошидан кечиради. — Газетадан
мискинлик Мискин аҳвол, тушкун ҳолат. Бу ундаги мискинлик ўрнида уйғонган инсоний ғурур нишонаси эди. П. Турсун, Ўқитувчи.
эзгинлик Эзгин, тушкун ҳолат. Эзгинлик, хўрлик, ёʻқлик асаби бўш одамларда тажанглик туғдирар, муомалада пардани кўтарарди. М. Исмоилий, Одамийлик қиссаси
озчилик Кишилар мажмуининг оз қисми, белгиланганидан ёки мўлжалланганидан кам бўлаги. Озчиликни ташкил этувчи миллатлар. — Вақт ўтди, биз озчиликмиз, — деди ҳаз
афтода Нотавон, ночор, абгор. Эл бахциз эди афтода, Золимларни беомон кўрдим. Миртемир Тушкунликка тушган, тушкун ҳолатли. Ўтапнинг қистови билан ошга қолган Жўр
мунғай с. т. Маъюс, тушкун ҳолда бўлмоқ; маъюсланмоқ. Шарофат олдинги курсиларнинг бирида мунғайиб, тез-тез бурнини, кўзини артиб, дам-бадам хўрсиниб ўтирар эди
бадбин Бировга ёмонлик истовчи, бузуқ ниятли, бадхоҳ.◆ Тушунаман, умр қисқа, Ҳақ дасти ҳам қисқароқ, Аммо нечун шу умрда Бунча бадбин яшамоқ? А. Орипов, Йиллар а
