Қидирув

от Қовурма овқат пишириш, қўрга кўмиб таом тайёрлаш учун ишлатиладиган, гир атрофи қайрилган ясси металл идиш.

Чўян печка устидаги каттагина товада қовурдоқ вижиллаб пишар эди. — Ҳ. Ғулом, Тошкентликлар

Ота чой дамлади, қўрга кўмиб қўйилган товадан иссиқ нон олди. — А. Мираҳмедов, Қўйлар қўзилади

от 1. иқт. Талаб, эҳтиёжни таъминловчи барча нарса, маҳсулот; сотувчилар ва харидорлар ўртасида олди-сотди, бозор муносабатлари обекти.

Товар айирбошлаш. Товар биржаси.

Аммо хотиржам бўлинг, мен сизни товарлардан сиқмайман. — И. Раҳим, Чин муҳаббат

2. эск. Матонинг ипакдан тўқиладиган, таги билан гулининг ранги бир хил, ялтироқ бир тури.

Оқ товардан кўйлагим Кўк тиканлар илмасин. — Қўшиқлар

Шаҳзоданинг кўйлагини йиртиб ташлади, товар пешматини бир томонга ирғитди-да бир қўли билан кўксига чанг солди — К. Яшин, Ҳамза

от 1. И 1 Оёқ кафтининг орқа қисми.

Юмшоқ тупроққа қадам қўйганингда, товонинг ҳузур қилади.

Калишда терлаб, товонлари қорайиб кетган оёқларини сувга тиқиб шалоплатди, жони роҳатланди. — Ёшлик

2. Оёқ кийимининг шу жойга тўғри келадиган қисми.

Товони тешик маҳси. Товони қора пайпоқ.

Авазнинг ҳам товони тешилаёзди, ковушининг бутуни қолмади. — С. Сиёев, Ёруғлик

от 1. Юзи ёйиқ, бир оз ялпоқ, коса шаклидаги чуқурроқ идиш (турли ўлчамда сопол, чинни, металл, баъзан мармардан тайёрланади).

Сопол товоқ. Чинни товоқ. Тунука товоқ.

Комил товоқларда қаймоқ, ликопларда узум кўтариб кирди. — Ҳ. Ғулом, Машъал

Буви, юзини сузиб турган сутли товоқни ерга қўйиб, нима деяпсан? дегандай Муродга қарадилар. — А. Мираҳмедов, Кулган чечаклар

2. шв. Лаган.

[Ваҳоб] Бир товоқ хушбўй паловни келтириб, олдимизга қўйди. — М. Муҳамедов, Қаҳрамон изидан

3. с. т. Пластинка (патефон, радиола пластинкаси).

Эрталаб ҳосилотнинг хотини патефон товоғини сўраб чиқибди. — С. Аҳмад, Қадрдон далалар

от 1. Товуқсимонлар туркумига мансуб, гўшти, пати ва тухуми учун боқиладиган урғочи уй паррандаси.

Сертухум товуқ. Курк товуқ. Товуқ катаги. Товуқнинг тушига дон киради. — Мақол

тонг от-май, товуқлар қўндоқларидан тушмай, яна ишга тушар эди. — М. Исмоилий, Фарғона тонг отгунча

Донлаб юриб, тентираб кетиб қолган товуқлар бир маҳал жой қидириб, уйгача кириб келди. — К. Яшин, Ҳамза

2. Шу парранданинг гўшти (овқат, масаллиқ сифатида).

Товуқни есанг, бир ейсан, тухумини есанг, минг ейсан. — Мақол

Холиса газ ўчоққа товуқларни димлаб қўйган. — С. Нуров, Майсаларни аёз урмайди

3. Шу паррандага нисбатли ҳақоратни билдиради.

Бундан кўра гўнг титганинг яхши эмасми, кекса товуқ. — Ойбек, Танланган асарлар

Сўк мени, курк товуқ дегин! — А. Қаҳҳор, Асрор бобо

4. Баъзи қушларнинг модаси, макиён.

Қирғовулнинг товуғи.

5. шв. Тунда хўроз қичқириши билан белгиланадиган вақт.

Бир товуқ ўтганда ётдик.

6. Мучал йил ҳисобида ўнинчи йил номи.

Унинг йили товуқ.

от Қирғовуллар оиласига мансуб, ранг-баранг патли, эркакларининг думи елпиғич шаклли чиройли қуш.

Товус каби айлаб хиромон, Рақсга тушди бир гўзал жонон. — Э. Воҳидов