Qidiruv

ot 1. Ommaviy ravishda namoyish etish uchun tayyorlangan sahna asari, koʻrsatuv.

Teatr tomoshasi. Sirk tomoshalari. Tomosha zali. Tomosha qoʻymoq. Spektaklni qiziqib tomosha qilmoq.

Peshayvon oynasiga tushirilgan parda orqasidan Hamza chiqib keldi-da, tomosha tugaganligini eʼlon qildi. — K. Yashin, Hamza

Televizorni koʻraverarkanmiz-u, tomoshalarni tayyorlash qanchalik mashaqqatli boʻlishini bilmas ekanmiz. — Oʻ. Hoshimov, Qalbingga quloq sol

Tabiiy, u koʻndi, shu yoʻsin ertaga oʻynaladirgan tomoshaga Sultonalining xotini ham oʻrgatildi. — A. Qodiriy, Mehrobdan chayon

2. Umuman, kishi eʼtiborini tortadigan, eʼtibor bilan qaraydigan, kuzatadigan, undan zavq-shavq oladigan, taʼsirlanadigan narsa.

Chorsudagi choyxonadan oʻtib, ajib bir tomoshaning ustidan chiqishdi. Samovar toʻla odam. Ashula, askiya, hangoma, qahqaha avjida. — K. Yashin, Hamza

Obboʻ, pol yuvishni koʻrish ham tomosha boʻptimi? — Oʻ. Hoshimov, Qalbingga quloq sol

— Baliqlar ham koʻp alomat narsa-da, — deb qoʻydi tomoshaga berilib ketgan Qudrat ichida. — H. Nazir, Soʻnmas chaqmoqlar

3. Kishi eʼtiborini tortadigan mashmasha, janjalli holat; hangoma.

Bularning qitigʻiga tegma. Agar gazetaga tortsa, gʻir etib tergovchi keladi. Ana unda koʻr tomoshani. — P. Tursun, Oʻqituvchi

ot 1. Biror tomoshani koʻrish uchun kelgan shaxs, tomosha koʻruvchi.

Teatr tomoshabinlari. Futbol tomoshabinlari.

Tomoshabinlar chapak chalib yubordilar. Hamma yoqdan qiyqiriq eshitildi. — M. Ismoiliy, Fargʻona tong otguncha

Xalq, sahnaning ochilishini kutgan tomoshabinday, jim edi. — P. Tursun, Oʻqituvchi

2. koʻchma dagʻl. Biror ishga loqaydlik bilan chetdan qarab, kuzatib turuvchi shaxs.

Tomoshabin boʻlib turmoq.

— Xafa boʻlmang, aka, — dehqonning yelkasiga qoqib yupatdi Yoʻlchi,— falokat emas, arava sinadi, tuzatiladi Atrofda odam toʻplandi. Baʼzilar achinadi, baʼzilar tomoshabin. — Oybek, Tanlangan asarlar

Janjal esa borgan sari gazak olardi, ota-ona ham ularning kelishmovchiligiga aralashmas, goʻyo tomoshabin rolini oʻtashar edi. — Gazetadan

sft. Tomosha uchun mos keladigan.

ot esk. Ayn. park.

ot Tomosha qiluvchi; tomoshabin.

Uning [direktorning] qovogʻidan qor yogʻar edi. Tomoshachilar gap nimada ekanligini tushundilar. — M. Hazratqulov, Jurʼat

Sonsiz tomoshachi kelgan bu oqshom Bu moʻl ziyofatni tekin yemoqqa. — Mirtemir

n performance arena or stage