ot 1. Hayot kechirish, kun koʻrish, yashash.
Tirikchilik uchun kecha-kunduz tinmasdan mehnat qilgan va yuragida shuncha gʻamni koʻtargan bu beli bukik, yelkasi chiqiq cholni soʻz bilan yupatishning maʼnosizligini sezdi. — Oybek, Tanlangan asarlar
Tirikchilik yanada ogʻirlashdi. Boylar ham qarz bermay qoʻydi. — P. Tursun, Oʻqituvchi
Oda.shar tirikchilikdan qiynalib, ishga och-nahor qatnayotgan oʻsha mashaqqatli kunlarda Poshsha xola boshqalardan toʻq va but yashadi. — D. Nuriy, Osmon ustuni
2. Kundalik roʻzgʻor va u bilan bogʻliq ish-yumush, tashvishlar.
— Orzularim bor, jurnalist boʻlishni istayman, — dedi \Ahmad Husayn], — lekin dardisar tirikchilik toʻs-qin. — Oybek, Nur qidirib
Har kimning oʻz tirikchiligi bor. Mana, hut kirdi, dehqonning oyogʻiga qurt kirdi. — P. Tursun, Oʻqituvchi
Endi uy-uyingizga tarqalingiz, tirikchilikdan qolmangiz, oʻrtoqlar! — H. Gʻulom, Mashʼal
- Tirikchilik qilmoq Hayot oʻtkazmoq, kun kechirmoq; yashamoq. Qishloqda tirikchilik qilish juda qiyin. Ochlik, yalangʻochlikka chidab, tirikchiligimizni qilar edik. — Oybek, Tanlangan asarlarKichkina doʻkonchamdan kelgan daromad bilan tirikchilik qilib boʻlmasdi. — Sh. Rashidov, Qudratli toʻlqin