Қидирув

от Савдо-сотиқ, савдо (савдогарлик) ишлари.

Пиён бозорнинг орқасидаги мачит Тошкентдаги татар савдогарлари, Қозон, Оренбург, Уфадаги савдо фирмалари вакиллари учрашадиган жой эди. Бир сўз билан айтганда, улар бу ерда ҳам ибодат, ҳам тижорат ишларини битириб олардилар. — М. Осим, Тилсиз гувоҳ

Савдо аҳли уни Шарқнинг ҳамма мамлакатларини кезган, саёҳат ва тижоратда сочи оқарган машҳур савдо-гар деб танир эди. — А. Мухтор, Опа-сингиллар

Тузилган махсус тижорат бўлими эса савдо вазирлиги билан дўконлар ўртасидаги воситачи. — Газетадан

от Тижорат билан шуғулланувчи шахс.

Биздаги бизнесменлар, тижоратчиларнинг фаолияти сизларга ёқадими? — Газетадан

от эск. Улгуржи савдо ишлари амалга ошириладиган бино.

Савдо-тижорат ва қўл ҳунари саноати ётиб қолганлиги сабабли, вақфга оид сарой, дўкон ва тижоратхоналар ҳам даромад бериш қобилиятини ёʻқотган эди. — С. Айний, Эсдаликлар

фл. Тижорат мақсадларига қаратилмоқ, тижорат юритиш усулига ўтмоқ.

фл. Тижоратлашмоқ феълининг орттирма нисбати.

сфт. Тижоратга оид, боғлиқ бўлмаган.

Фарғона вилоятида яна бир нотижорат ташкилот — вилоят кутубхоналар ассоциацияси фаолият кўрсата бошлади. — Газетадан