«Ташкилот» бўйича 168 та натижа: Изоҳли
от Аниқ таркиб ва вазифасига, иш дастурига эга бўлган ижтимоий, хўжалик бирлашмаси ёки давлат муассасаси.
Ижтимоий ташкилот. Маҳаллий ташкилотлар.
Барака топгур ер тузувчи ташкилотлар турли-туман техникаларини ишга солиб, майдонни кафтдек текислашибди. — Н. Сафаров, Жасоратнинг давоми
Қишлоқдаги маъмурий, маданий ва савдо ташкилотларининг идоралари, асосан, мана шу кўчага жойлашган. — С. Анорбоев, Оқсой
от Бирор ташкилотни тузган ёки тузувчи; бирор иш-ҳаракатни бошлаб берган, ташкил этган, уюштирган ёки уюштирувчи ва унга бошчилик қилувчи шахс ёки ижтимоий гуруҳ.
Моҳир ташкилотчи. Мусобақа ташкилотчилари.
Бугун Каттақишлоқнинг икки пешқадам кишиси — икки донгдор ташкилотчининг бирлашиш маросимида ўтирибмиз. — И. Раҳим, Ихлос
Ҳ. Олимжон фақат яхши шоиргина эмас, энг яхши ташкилотчи ҳам эди. — Н. Сафаров, Оловли излар
от 1. Ташкил этиш хислати.
Ўз ташкилотчилигини намойиш қилмоқ.
2. Ташкилотчи иши, фаолияти.
Халқ биздан бу ишда раҳбарлик, ташкилотчилик талаб қилаётибди. — П. Турсун, Ўқитувчи
ННТ Нодавлат-нотижорат ташкилот
абонент Абонементга эга бўлган шахс ёки ташкилот.
импортёр Импорт билан шуғулланувчи шахс ёки ташкилот.
жаримадор Жарима солинган, тўлайдиган киши ёки ташкилот.
администрация . Муассаса, корхона, ташкилот раҳбарлари мажмуи.
подполчи Яширин (махфий) иш олиб борувчи; махфий ташкилот аъзоси.
