от 1. Бирор томоннинг тарафини олувчи; тарафдор.
Бедана эгалари ва уларга пул тиккан тарафкашларнинг кўзлари ола-кула, юраклари така-пука бўлиб, нафаслари ичига тушиб кетди. — М. Муҳаммаджонов, Турмуш уринишлари
2. Қарши чиқувчи, курашувчи, беллашувчи; талабгор.
— Бургутнинг йигитлари ҳали курашда елкаси ер кўрмаган полвонлар. Ҳозир бу полвонларга Фарғона томонда тарафкаш ёʻқ, — деди йигит. — С. Аҳмад, Чўл бургути
3. Тараф-батараф бўлиб курашувчи; гуруҳбоз.
Менинг қишлоғимда тарафкашлар кўп. Бир-бирини ковлайди. — П. Турсун, Ўқитувчи